בריאות Archive

Home » בריאות

The Human Purpose — Living with Meaning

According to Maimonides, one of the main causes of inner unrest is lack of purpose. When a person forgets why they live, they are drawn toward desires, competition, and worry. But when they understand that they have a mission — to learn, to create, to help, to do good — they find peace in their […]

A Healthy Soul in a Healthy Body

Maimonides repeatedly spoke of the direct connection between body and soul: When the body is weak, the soul also struggles to remain balanced; and when the soul is troubled, the body weakens. Therefore, he recommended adequate sleep, balanced nutrition, daily movement, and mental rest — because all of these directly influence the state of the […]

Joy and Faith

Maimonides considered joy one of the most important remedies for the soul. However, he emphasized that the right kind of joy is not wild excitement, but meaningful joy — the joy of a person who knows he is doing good, acting with integrity, and living in harmony with himself and with his Creator. He wrote […]

Mastery of Character Traits — True Emotional Healing

Maimonides saw the refinement of character traits not only as a moral task but as genuine emotional therapy. In his view, negative emotions such as anger, jealousy, or arrogance are real psychological illnesses, because they disrupt judgment and inner peace. And just as a physician treats the body gradually, the soul also requires gradual healing: […]

The Middle Path — The Key to Serenity

Maimonides repeatedly emphasized the principle of the “middle path” (also called “the golden path”): Every good trait is the balance point between two negative extremes. For example: Between wastefulness and stinginess — stands generosity. Between cowardice and arrogance — stands courage. Between anger and apathy — stand humility and patience. According to him, a healthy […]

Mental Health

How to find balance, serenity, and meaning Maimonides, who was both a physician and a philosopher, viewed the human soul as an inseparable part of a person’s overall well-being. He taught that just as there are laws for caring for the body, there are principles for caring for the soul. In his eyes, a truly […]

Medicine as a Continuation of Moral Life

For Maimonides, medicine isn’t merely a science — it’s a moral mission. A physician does not “repair a machine”; he helps a person return to harmony with himself and his surroundings. He believed that the purpose of a healthy person is to be someone who can work, learn, do good for others, and live with […]

Daily Routine and Healthy Habits

Maimonides saw in maintaining a stable routine a major key to health: Sleep at a consistent time (about eight hours a night). Wake up early and breathe fresh air. Avoid excessive rest. Maintain cleanliness of the body and clothing. According to him, order and moderation keep the body in balance — while extreme habits lead […]

Emotional and Mental Balance

Maimonides viewed the soul as inseparable from the body. Therefore, he taught that many illnesses arise not only from unhealthy food but from emotional imbalance — anger, worry, jealousy, or fear. He wrote: “The health of the body and of the soul – are one.” A central piece of his advice is to maintain a […]

Physical Activity

Maimonides stated clearly: “As long as a person exercises and exerts himself and does not overeat — no illness will come upon him.” Daily physical movement is, in his eyes, the key to health and longevity. He didn’t speak about strenuous workouts, but about consistent daily movement — walking, physical work, maintaining flexibility. A person […]

Proper and Balanced Nutrition

Maimonides dedicated great attention to eating habits. In his opinion, food is a person’s primary medicine — if one eats properly, he will not need a doctor. His principles: Don’t eat until completely full. Stop when you still feel slightly hungry. Eat simple, natural foods. vegetables, fruits, grains, a little meat — without excessive spices […]

A wisdom of both body and soul

Maimonides — Rabbi Moshe ben Maimon (1138–1204) — was not only one of the greatest halachic authorities and Jewish philosophers, but also an exceptional physician. He served as the royal doctor of Egypt and wrote important medical works. In his view, physical and emotional health are not two separate fields, but two sides of the […]

קטעי הלימוד והזוהר

קודם הלימוד אומרים בקשה זו:

לְשֵׁם יֵחוּד קוּדשָׁא בְּרִיך הוּא וּשׁכִינְתֵיהּ. בִּדחִילוּ וּרחִימוּ, וּרחִימוּ וּדחִילוּ. לְיַחָדָא שֵׁם יוֹ”דּ הֵ”א בְּוָא”ו הֵ”א בְּיֵחוּדָא שְׁלִים בְּשֵׁם כָּל יִשׂרָאֵל. הִנֵּה אֲנַחנוּ מוּכָנִים לַהגּוֹת בַּלַּילָה הַזֶּה בַּזּוֹהַר הַקָּדוֹשׁ, לַעֲשׂוֹת נַחַת רוּח לְיוֹצְרֵנוּ וְלַעֲשׂוֹת רְצוֹן בּוֹרְאֵנוּ, וּלאָקָמָא שְׁכִינְתָא מֵעַפרָא. וִיהִי רָצוֹן מִלְּפָנֶיךָ, שֶׁתֵּפֶן בְּרַחֲמִים אֶל לִמּוּדֵנוּ זֶה, וְתַמשִׁיך חוּט שֶׁלְּ־חֶסֶד עַל הַיֶּלֶד הַנֻּלָּד, שֶׁיִּהיֶה חָזָק וּבָרִיא כְּדֵי לְהַכנִיסוֹ לִברִית מִילָה בִּזמַנּוֹ, וּתזַכֶּה אוֹתוֹ שֶׁיִּהיֶה נִמּוֹל כַּהוֹגֶן וְכַשּׁוּרָה. וְתִהיֶה חֲשׁוּבָה וּמרֻצָּה מִצוָה זוֹ לִפנֵי כִסֵּא כְבוֹדֶךָ כְּקָרבָּן עַל מִזבְּחֶךָ, וְכַעֲקִידַת יִצחָק, וְתִשׁלַח רְפוּאָה שְׁלֵמָה לַיֶּלֶד וּלאִמּוֹ. וּכשֵׁם שֶׁיִּכָּנֵס לַבְּרִית, כֵּן תְּזַכֶּה אֶת הוֹרָיו לְגַדְּלוֹ וּלחַנְּכוֹ בְּתוֹרָתֶךָ וּבַעֲבוֹדָתֶךָ, וְקַדֵּשׁ אֶת שִׁמךָ עָלָיו, וְיִראוּ כָל בָּשָׂר כִּי שֵׁם ה’ נִקרָא עָלָיו, וְיִהיֶה אָהוּב לְמַעלָה וְנֶחמָד לְמַטָּה, וְיִזכֶּה לַחֻפָּה וּלמַעֲשִׂים טוֹבִים, אָמֵן כֵּן יְהִי רָצוֹן. וִיהִי נוֹעַם אֲדֹנָי אֱלֹהֵינוּ עָלֵינוּ, וּמַעֲשֵׂה יָדֵינוּ כּוֹנְנָה עָלֵינוּ, וּמַעֲשֵׂה יָדֵינוּ כּוֹנְנֵהוּ:

תפילה קודם לימוד קבלה מהאר”י זלה”ה

רִבּוֹן הָעוֹלָמִים וַאֲדֹנֵי הָאֲדוֹנִים. אָב הָרַחֲמִים וְהַסְּלִיחוֹת. מוֹדִים אֲנַחנוּ לְפָנֶיךָ יְהוָֹה אֱלֹהֵינוּ וֵאלֹהֵי אֲבוֹתֵינוּ, בְּקִידָה וּבהִשׁתַּחֲוָיָה, שֶׁקֵּרַבתָּנוּ לְתוֹרָתֶךָ וְלַעֲבוֹדָתֶךָ עֲבוֹדַת הַקֹּדֶשׁ, וְנָתַתָּ לָּנוּ חֵלֶק בְּסוֹדוֹת תּוֹרָתְךָ הַקְּדוֹשָׁה. מַה אָֽנוּ, מַה חַיֵּינוּ, אֲשֶׁר עָשִׂיתָ עִמָּנוּ חֶסֶד גָּדוֹל כְּזֶה. עַל כֵּן אֲנַחנוּ מַפִּילִים תַּחֲנוּנֵינוּ לְפָנֶיךָ שֶׁתִּמחוֹל וְתִסלַח לְכָל חַטֹּאתֵינוּ וַעֲוֹנוֹתֵינוּ. וְאַל יִהיוּ עֲוֹנוֹתֵינוּ מַבדִּילִים בֵּינֵינוּ לְבֵינֶךָ. וּבכֵן יְהִי רָצוֹן מִלְּפָנֶיךָ יְהוָה אֱלֹהֵינוּ וֵאלֹהֵי אֲבוֹתֵינוּ, שֶׁתְּכוֹנֵן אֶת לְבָבֵנוּ לְיִראָתֶךָ וְאַהֲבָתֶךָ, וְתַקשִׁיב אָזנֶךָ לִדבָרֵינוּ אֵלֶּה, וְתִפתַּח לְבָבֵנוּ הֶעָרֵל בְּסוֹדוֹת תּוֹרָתֶךָ. וְיִהיֶה לִמּוּדֵנוּ זֶה נַחַת רוּח לִפנֵי כִסֵּא כְבוֹדֶךָ כְּרֵיַח נִיחוֹחַ. וְתַאֲצִיל עָלֵינוּ אוֹר מְקוֹר נִשׁמָתֵנוּ בְּכָל בְּחִינוֹתֵינוּ. וְשֶׁיִּתנוֹצְצוּ נִיצוֹצוֹת עֲבָדֶיךָ הַקְּדוֹשִׁים אֲשֶׁר עַל יָדָם גִּלִּיתָ דְּבָרֶיךָ אֵלֶּה בָּעוֹלָם. וּזכוּתָם וּזכוּת אֲבוֹתָם וּזכוּת תּוֹרָתָם וּתמִימוּתָם וּקדֻשָּׁתָם יַעֲמֹד לָנוּ לְבַל נִכָּשֵׁל בִּדבָרִים אֵלּוּ. וּבִזכוּתָם תָּאִיר עֵינֵינוּ בְּמַה שֶׁאָֽנוּ לוֹמְדִים. כְּמַאֲמַר נְעִים זְמִירוֹת יִשׂרָאֵל, גַּל עֵינַי וְאַבִּיטָה נִפלָאוֹת מִתּוֹרָתֶךָ. יִהיוּ לְרָצוֹן אִמרֵי פִי וְהֶגיוֹן לִבִּי לְפָנֶיךָ, יְהוָה צוּרִי וְגֹאֲלִי. כִּי יְהוָה יִתֵּן חָכמָה, מִפִּיו דַּעַת וּתבוּנָה:

רִבּוֹן עָלְמִין, דְּאַנתּ הוּא מְגַלֵּי עַמִּיקָתָא וּמסַתְּרָתָא וְגָלֵי רָזַיָּא. יְהֵא רַעֲוָא מִן קֳדָמָך לְאַסבָּרָא מִלִּין בְּפוּמַּֽנָא, לְקַיָּמָא בַּֽנָא מִקרָא שֶׁכָּתוּב, וְאָנֹכִי אֶהיֶה עִם פִּיךָ וְהוֹרֵיתִיךָ אֲשֶׁר תְּדַבֵּר. וְלָא נֵיעוֹל בְּכִסּוּפָא קֳדָמָך. וְנִזכֵּי לְמִשׁמַע רָזִין עִלָּאִין דְּאוֹרָיתָא מִפּוּמָּא דְּרֵישָׁא דִּמתִיבְתָא עִלָּאָה. אָמֵן וְכֵן יְהִי רָצוֹן, אָמֵן, סֶלָה:

וְנָהָר יֹצֵא מֵעֵדֶן לְהַשׁקוֹת אֶת־הַגָּן, וּמִשָּׁם יִפָּרֵד וְהָיָה לְאַרבָּעָה רָאשִׁים: וְהַמַּשׂכִּלִים יַזהִרוּ כְּזֹהַר הָרָקִיַע, וּמַצדִּיקֵי הָרַבִּים כַּכּוֹכָבִים לְעוֹלָם וָעֶד: גַּל־עֵינַי וְאַבִּיטָה נִפלָאוֹת מִתּוֹרָתֶךָ:

זוהר פרשת לך־לך דף צ’

וַיהִי אַברָם בֶּן תִּשׁעִים שָׁנָה וְתֵשַׁע שָׁנִים וגו’. רִבִּי אַבָּא פְּתַח, כִּי מִי אֵל מִבַּלעֲדֵי יְ”יָ, וּמִי צוּר וגו’. דָּוִד מַלכָּא אֲמַר הַאיֵי קְרָא, כִּי מִי אֵל מִבַּלעֲדֵי יְ”יָ, מַאן הוּא שַׁלִּיטָא אוֹ מְמֻנֶּא דְּיָכֵיל לְמֶעֱבַד מִדֵּי מִבַּלעֲדֵי יְ”יָ, אֵלָא מַה דְּאִתפַּקַּד מֵעִם קֻדשָׁא בְּרִיך הוּא. בְּגִין דְּכֻלְּהוּ לָא בִּרשׁוּתַיהוּ קָיְמֵי, וְלָא יָכְלֵי לְמֶעֱבַד מִדֵּי. וּמִי צוּר, וּמַאן אִיהוּ תַּקִּיף דְּיָכֵיל לְמֶעֱבַד תֻּקפָא וּגבוּרָה מִגַּרמֵיהּ מִבַּלעֲדֵי אֱלֹהֵינוּ. אֵלָא כֻּלְּהוּ בִּידָא דְּקֻדשָׁא בְּרִיך הוּא, וְלָא יָכְלֵי לְמֶעֱבַד מִדֵּי בָּר מֵרְשׁוּתֵיהּ. דָּבָר אַחֵר, כִּי מִי אֵל מִבַּלעֲדֵי יְ”יָ, דְּקֻדשָׁא בְּרִיך הוּא כֹּלָא בִּרשׁוּתֵיהּ, וְלָא כְּמַאן דְּאִתַּחזִי בְּחֵיזוּ דְּכוֹכְבַיָּא וּמַזָּלֵי, דְכֻלְּהוּ אַחזְיָן מִלָּה, וְקֻדשָׁא בְּרִיך הוּא אַחלַף לֵיהּ לִגוַנָא אָחֳרָא. וּמִי צוּר זוּלָתִי אֱלֹהֵינוּ, הַא אוֹקְמוּהּ דְּלֵית צַיָּר כְּמָא דְּקֻדשָׁא בְּרִיך הוּא, דְּאִיהוּ צַיָּר שְׁלִים, עֲבֵיד וְצִיַּר דְּיוּקנָא גּוֹ דְּיוּקנָא, וְאַשׁלֵים לְהַהוּא דְּיֻקנָא בְּכָל תִּקּוּנֵיהּ, וְאַעֵיל בַּהּ נֶפֶשׁ עִלָּאָה דְּדַמֵי לְתִקּוּנָא עִלָּאָה, בְּגִין כָּך לֵית צַיָּר כְּקֻדשָׁא בְּרִיך הוּא. תַּא חֲזִי, מֵהַהוּא זַרעָא דְּבַר־נַשׁ, כַּד אִתְּעַר תִּיאוּבתֵּיהּ לְגַּבֵּי נֻקבֵּיהּ וְנֻקבֵּיהּ אִתְּעַרַת לְגַּבֵּיהּ, כְּדֵין מִתחַבְּרָן תַּרוַיהוּ כַּחדָּא וּנפַק מִנַּיְהוּ בַּר חַד דִּכלִיל מִתְּרֵין דְּיֻקנִין כְּחַד. בְּגִין דְּקֻדשָׁא בְּרִיך הוּא צִיַּר לֵיהּ בְּצִיּוּרָא דְּאִתכְּלִיל מִתַּרוַיהוּ. וְעַל דָּא בַּעֵי בַּר־נַשׁ לְקַדָּשָׁא גַּרמֵיהּ בְּהַהוּא זִמנָא, בְּגִין דְּיִשׁתְּכַח הַהוּא דְּיֻקנָא בְּצִיּוּרָא שְׁלִים כִּדקַא חַזֵי. אֲמַר רִבִּי חִיָּא, תַּא חֲזִי כַּמָּה אִנּוּן רַברְבִין עוּבָדוֹי דְּקֻדשָׁא בְּרִיך הוּא. דְּהַא אֻמָּנוּתָא וְצִיּוּרָא דְּבַר־נַשׁ, אִיהוּ כִּגוַנָא דְּעָלְמָא. וּבכָל יוֹמָא וְיוֹמָא קֻדשָׁא בְּרִיך הוּא בָּרֵי עָלְמִין וּמזַוֵּיג זִוּוּגִין, כָּל חַד וְחַד כִּדקַא חַזֵי לֵיהּ. וְהוּא צִיַּר דְּיוּקנֵיהוֹן עַד לָא יֵיתוֹן לְעָלְמָא:

תַּא חֲזִי, דַּאֲמַר רִבִּי שִׁמעוֹן, כַּתִיב, זֶה סֵפֶר תּוֹלְדוֹת אָדָם. וְכִי סֵפֶר הֲוָה לֵיהּ. אֵלָא אוֹקְמוּהּ דְּקֻדשָׁא בְּרִיך הוּא אַחמִי לֵיהּ לְאָדָם הָרִאשׁוֹן דּוֹר דּוֹר וְדוֹרְשָׁיו וכו’. הֵיאָך אַחמִי לֵיהּ. אִי תֵּימַא דַּחֲמָא בְּרוּח קֻדשָׁא דְּאִנּוּן זְמִינִין לְמֵיתֵי לְעָלְמָא, כְּמַאן דְּחַמֵי בְּחָכמְתָא מַה דְּיֵיתֵי לְעָלְמָא. לָאו הַכֵי. אֵלָא חֲמָא בְּעֵינָא כֻּלְּהוּ, וְהַהוּא דְּיֻקנָא דִּזמִינִין לְמֵיקַם בֵּיהּ בְּעָלְמָא, כֻּלְּהוּ חֲמָא בְּעֵינָא. מַאי טַעמָא. בְּגִין דְּמִיּוֹמָא דְאִתבְּרִי עָלְמָא, כֻּלְּהוּ נַפשָׁאן דִּזמִינִין לְמֵיקַם בִּבנֵי נְשָׁא כֻּלְּהוּ קָיְמִין קַמֵּי קֻדשָׁא בְּרִיך הוּא, בְּהַהוּא דְּיֻקנָא מַמָּשׁ דִּזמִינִין לְמֵיקַם בֵּיהּ בְּעָלְמָא. כִּגוַנָא דָּא כָּל אִנּוּן צַדִּיקַיָּא, בָּתַר דְּנָפְקִין מֵהַאיֵי עָלְמָא, כֻּלְּהוּ נַפשָׁאן סָלְקָן, וְקֻדשָׁא בְּרִיך הוּא אַזמֵין לוֹן דְּיֻקנָא אָחֳרָא לְאִתלַבָּשָׁא בְּהוּ, כִּגוַנָא דַּהֲווֹ בְּהַאיֵי עָלְמָא. בְּגִין כָּך כֻּלְּהוּ קָיְמִין קַמֵּיהּ, וַחֲמָא לוֹן אָדָם הָרִאשׁוֹן בְּעֵינָא. וְאִי תֵּימַא, בָּתַר דַחֲמָא לוֹן לָא קְיִימוּ בְּקִיּוּמַיהוּ. תַּא חֲזִי, כָּל מִלּוֹי דְּקֻדשָׁא בְּרִיך הוּא בְּקִיּוּמָא אִנּוּן, וּקיִימוּ קַמֵּיהּ עַד דְּנָחֲתֵי לְעָלְמָא. כִּגוַנָא דָּא כַּתִיב, כִּי אֶת אֲשֶׁר יֶשׁנוֹ פֹּה וגו’. הַא אוֹקְמוּהּ דְּכֻלְּהוּ בְּנֵי נְשָׁא דִּזמִינִין לְמִהוֵי בְּעָלְמָא, כֻּלְּהוּ אִשׁתְּכַחוּ תַּמָּן. הַכָא אִית לְאִסתַּכָּלָא, דְּהַא כַּתִיב וְאֵת אֲשֶׁר אֵינֶנּוּ פֹּה וגו’. וּמַשׁמַע הַנהוּ דְּיִפְּקוּן מֵאִנּוּן דִּקיִימוּ תַמָּן. בְּגִין דְּכַתִיב עִמָּנוּ הַיּוֹם, וְלָא כַּתִיב עִמָּנוּ עוֹמֵד הַיּוֹם. אֵלָא וַדַּאי כֻּלְּהוּ קְיִימוּ תַמָּן, אֵלָא דְּלָא אִתַּחזוֹ לְעֵינָא. בְּגִין כָּך כַּתִיב, עִמָּנוּ הַיּוֹם, אַף עַל גַּב דְּלָא אִתַּחזוֹן. וְאִי תֵּימַא, מַאי טַעמָא לָא אִתַּחזוֹן הַכָא, כְּמָא דְאִתַּחזוֹן לְאָדָם הָרִאשׁוֹן דַּחֲמָא לוֹן עֵינָא בְּעֵינָא, וְהַא הַכָא אִתַּחזִי יַתִּיר. אֵלָא הַכָא כַּד אִתיְהֵיבַת אוֹרָיתָא לְיִשׂרָאֵל, חֵיזוּ אָחֳרָא וְדַרגִּין עִלָּאִין הֲווֹ חָמַאן וּמִסתַּכְּלִין עֵינָא בְּעֵינָא, וַהֲווֹ תְּאִיבִין לְאִסתַּכָּלָא וּלמִחמֵי בִּיקָרָא דְּמָרֵיהוֹן. וּבגִין כָּך חֲמוּ יְקָרָא עִלָּאָה דְּקֻדשָׁא בְּרִיך הוּא בִּלחוֹדוֹי וְלָא מֵאָחֳרָא. וְעַל דָּא, כֻּלְּהוּ בְּנֵי נְשָׁא דִּזמִינִין לְקָימָא בְּעָלְמָא, כֻּלְּהוּ קָיְמֵי קַמֵּי קֻדשָׁא בְּרִיך הוּא בְּהַהוּא דְּיֻקנָא מַמָּשׁ דִּזמִינִין לְקָימָא בֵּיהּ. הָדָא הוּא דְּכַתִיב, גָּלמִי רָאוּ עֵינֶיךָ, וְעַל סִפרְךָ וגו’. גָּלמִי רָאוּ עֵינֶיךָ, מַאי טַעמָא. בְּגִין דִּדיֻקנָא אָחֳרָא עִלָּאָה הַוֵי כְּהַאיֵי. וּבגִין כָּך כַּתִיב, וּמִי צוּר זוּלָתִי אֱלֹהֵינוּ, מַאן צַיָּר טָב דְּצִיַּר כֹּלָא כְּקֻדשָׁא בְּרִיך הוּא. דָּבָר אַחֵר, כִּי מִי אֱלוֹהַּ, דָּא רָזָא דְּמִלָּה, דְּהַא אֵל, כְּלַֽלָא הוּא דְאִתכְּלִיל מִכֻּלְּהוּ דַּרגִּין. וְאִי תֵּימַא דְּהַא אֵל אִיהוּ דַּרגָּא אָחֳרָא, בְּגִין דְּכַתִיב וְאֵל זוֹעֵם בְּכָל יוֹם. תַּא חֲזִי, דְּהַא לֵית אֵל מִבַּלעֲדֵי יְ”יָ, דְּלָאו אִיהוּ בִּלחוֹדוֹהִי וְלָא אִתפָּרַשׁ לְעָלְמִין. וְעַל דָּא כַּתִיב כִּי מִי אֵל מִבַּלעֲדֵי יְ”יָ. וּמִי צוּר וגו’. דְּהַא צוּר לָאו אִיהוּ בִּלחוֹדוֹי אֵלָא כֹּלָא חַד, כִּדכַּתִיב וְיָדַעתָּ הַיּוֹם וַהֲשֵׁבוֹתָ אֶל לְבָבֶךָ, כִּי יְ”יָ הוּא הָאֱלֹהִים וגו’:

תַּא חֲזִי. עַד לָא אִתגְּזַר אַברָהָם, הֲוָה מְמַלֵּיל עִמֵּיהּ מִגּוֹ מַחֲזֶה בִּלחוֹדוֹי כְּמָא דְּאִתאֲמַר. דְּכַתִיב, הָיָה דְבַר יְ”יָ אֶל אַברָם בַּמַּחֲזֶה וגו’, בַּמַּחֲזֶה, בְּהַהוּא חֵיזוּ דַּרגָּא דְּכָל דְּיֻקנִין אִתַּחזְיָן בֵּיהּ, כְּמָא דְאִתאֲמַר, וְהַאיֵי מַחֲזֶה אִיהוּ רָזָא דִּברִית. וְאִי תֵּימַא דִבגִין כָּך אִקְּרִי מַחֲזֶה, בְּגִין דְּאִיהוּ דַּרגָּא חֵיזוּ דְּכָל דְּיוּקנִין אִתַּחזְיָן בֵּיהּ וּכדֵין אִקְּרִי מַחֲזֶה. הַא אֲמַרתּ בְּקַדמֵיתָא, דְּעַד לָא אִתגְּזַר אַברָהָם, לָא הֲוָה מְמַלֵּיל עִמֵּיהּ בָּר הַאיֵי דַּרגָּא דְּלָא שָׁרַאן עֲלוֹי דַּרגִּין אָחֳרָנִין. וְהַשׁתָּא אֲמַרתּ, בַּמַּחֲזֶה, חֵיזוּ דְּכָל דַּרגִּין עִלָּאִין. וְהַא עַד לָא אִתגְּזַר, כַּתִיב הָיָה דְבַר יְ”יָ אֶל אַברָם בַּמַּחֲזֶה. אֵלָא הַאיֵי דַּרגָּא חֵיזוּ דְּכָל דַּרגִּין עִלָּאִין אִיהוּ. וּבחֵיזוּ דְּדַרגִּין עִלָּאִין אִתתַּקַּן. וְאַף עַל גַּב דִּבהַהוּא זִמנָא אַברָהָם לָא הֲוָה גְּזִיר. הַאיֵי דַּרגָּא בְּחֵיזוּ דְּדַרגִּין עִלָּאִין אִיהוּ, וּבכָל אִנּוּן גְּוָנִין אִיהוּ קָאֵים, וְחֵיזוּ דְּאִנּוּן גְּוָנִין קָיְמֵי תְּחוֹתֵיהּ. חַד מִיַּמִּינָא גְּוָן חִיוָר, וְחַד מִשְּׂמָאלָא גְּוָן סֻמָּק, חַד דִּכלִיל מִכָּל גְּוָנִין. וְאִיהוּ חֵיזוּ דְּכָל גְּוָנִין עִלָּאִין דְּקָיְמֵי עֲלֵיהּ. וְעַל דָּא, בְּהַאיֵי חֵיזוּ קָאֵים עֲלֵיהּ דְּאַברָהָם וּמַלֵּיל עִמֵּיהּ, וְאַף עַל גַּב דְּלָא אִתגְּזַר. כֵּיוָן דְאִתגְּזַר, מַה כַּתִיב, וַיֵּרָא יְ”יָ אֶל אַברָם. תַּא חֲזִי, מַחֲזֵה שַׁדַּי כַּתִיב בְּבִלעָם, וּבאַברָהָם כַּתִיב מַחֲזֶה סְתָם. מַה בֵּין הַאיֵי לְהַאיֵי. אֵלָא מַחֲזֵה שַׁדַּי, אִלֵּין דִּלתַתָּא מִנֵּיהּ וְאִנּוּן חֵיזוּ דִּילֵיהּ. מַחֲזֶה סְתָם, מַחֲזֶה דָּא הוּא הֵ”א דְּכָל דְּיֻקנִין עִלָּאִין אִתַּחזְיָן בֵּיהּ. וּבגִין כָּך כַּתִיב בְּאַברָהָם מַחֲזֶה סְתָם, וּבבִלעָם מַחֲזֵה שַׁדַּי. וְעַל דָּא, עַד לָא אִתגְּזַר אַברָהָם, הֲוָה לֵיהּ הַאיֵי דַּרגָּא כִּדאַמרַן. כֵּיוָן דְּאִתגְּזַר, מִיָּד, וַיֵּרָא יְ”יָ אֶל אַברָם וגו’. אִתַּחזוֹן כֻּלְּהוּ דַּרגִּין עַל הַאיֵי דַּרגָּא. וְהַאיֵי דַּרגָּא מַלֵּיל עִמֵּיהּ כִּדקַא חַזֵי בִּשׁלִימוּ. וְאַברָהָם אִתקְטַר מִדַּרגָּא לְדַרגָּא, וְעָאל בִּברִית קְיָמָא קַדִּישָׁא כִּדקַא חַזֵי בִּשׁלִימוּ. תַּא חֲזִי, כֵּיוָן דְּאִתגְּזַר אַברָהָם, נְפַק מֵעָרלָה, וְעָאל בִּקְיָמָא קַדִּישָׁא וְאִתעַטַּר בְּעִטרָא קַדִּישָׁא, וְעָאל בְּקִיּוּמָא דְּעָלְמָא קָאֵים עֲלֵיהּ. וּכדֵין אִתקַיַּם עָלְמָא בְּגִינֵיהּ. בְּגִין דְּכַתִיב, אִם לֹא בְרִיתִי יוֹמָם וָלָילָה, חֻקּוֹת שָׁמַיִם וָאָרֶץ לֹא שָֽׂמתִּי. וְכַתִיב, אֵלֶּה תוֹלְדוֹת הַשָּׁמַיִם וְהָאָרֶץ בְּהִבָּרְאָם. בְּהֵ”א בְּרָאָם, בְּאַברָהָם. וְכֹלָא בְּרָזָא חֲדָא קָאֵים. וּבשָׁעֲתָא דְּקֻדשָׁא בְּרִיך הוּא אַחמִי לֵיהּ לְאָדָם כָּל אִנּוּן דָּרִין דְּעָלְמָא, וַחֲמָא לוֹן כָּל חַד וְחַד, כָּל דָּרָא וְדָרָא כֻּלְּהוּ קָיְמֵי בְּגִנְּתָא דְּעֵדֶן בְּהַהוּא דְּיֻקנָא דִּזמִינִין לְקָימָא בְּהַאיֵי עָלְמָא. וְתַא חֲזִי, הַא אִתאֲמַר, כֵּיוָן דַּחֲמָא לֵיהּ לְדָוִד דְּלָאו בֵּיהּ חַיִּים כְּלָל, תְּוַהּ, וְאִיהוּ יְהֵיב לֵיהּ מִדִּילֵיהּ שִׁבעִין שְׁנִין. בְּגִין כָּך הֲווֹ לֵיהּ לְאָדָם תְּשַׁע מֵאוֹת וּתלָתִין שְׁנִין. וְאִנּוּן שִׁבעִין אִסתְּלַקוּ לֵיהּ לְדָוִד. וּמִלָּה דָּא רָזָא דְּחָכמְתָא אִיהוּ, דְּדָוִד לֵית לֵיהּ בָּר שִׁבעִין שְׁנִין מֵאָדָם קַדמָאָה. וְכֹלָא רָזָא דְּחָכמְתָא אִיהוּ. וְכָל מַה דִּלתַתָּא, כֹּלָא אִיהוּ בְּרָזָא דִּלעֵילָא:

וְתַא חֲזִי, בְּכָל אִנּוּן דְּיֻקנִין דְּנִשׁמְתִין דְּעָלְמָא, כֻּלְּהוּ זִוּוּגִין זִוּוּגִין קַמֵּיהּ. לְבָתַר כַּד אָתיָן לְהַאיֵי עָלְמָא, קֻדשָׁא בְּרִיך הוּא מְזַוֵּיג זִוּוּגִין. אֲמַר רִבִּי יִצחָק, קֻדשָׁא בְּרִיך הוּא אֲמַר, בַּת פְּלוֹנִי לִפלוֹנִי. אֲמַר רִבִּי יוֹסֵי, מַאי קַא מִיַּרִ, וְהַא כַּתִיב אֵין כָּל חָדָשׁ תַּחַת הַשָּֽׁמֶשׁ. אֲמַר רִבִּי יְהוּדָה, תַּחַת הַשָּׁמֶשׁ כַּתִיב, שַׁאנֵי לְעֵילָא. אֲמַר רִבִּי יוֹסֵי, מַאי כָּרוֹזָא הַכָא, וְהַא אֲמַר רִבִּי חִזקִיָּה אֲמַר רִבִּי חִיָּא, בְּהַהִיא שָׁעֲתָא מַמָּשׁ דְּנַפֵיק בַּר־נַשׁ לְעָלְמָא, בַּת זוֹגוֹ אִזדַּמַּנַת לֵיהּ. אֲמַר רִבִּי אַבָּא, זַכָּאִין אִנּוּן צַדִּיקַיָּא דְּנִשׁמָתְהוֹן מִתעַטְּרָן קַמֵּי מַלכָּא קַדִּישָׁא עַד לָא יֵיתוֹן לְעָלְמָא. דְּהַכֵי תְּנֵינַן, בְּהַהִיא שָׁעֲתָא דְאַפֵּיק קֻדשָׁא בְּרִיך הוּא נִשׁמְתִין לְעָלְמָא, כָּל אִנּוּן רוּחִין וְנִשׁמְתִין כֻּלְּהוּ כְּלִילָן דְּכַר וְנֻקבָּא דְּמִתחַבְּרָן כַּחדָּא, וְאִתמַסרָן בִּידָא דְּהַהוּא מְמֻנֶּא שְׁלִיחָא דְּאִתפַּקַּד עַל עִדּוּאֵיהוֹן דִּבנֵי נְשָׁא, וְלַילָה שְׁמֵיהּ. וּבשָׁעֲתָא דְּנָחֲתִין וְאִתמַסרָן בִּידוֹי, מִתפָּרְשָׁן. וּלזִמנִין, דָּא אַקדֵּים מִן דָּא, וְאַחֵית לְהוּ בִּבנֵי נְשָׁא. וְכַד מְטָא עִדָּן דְּזִוּוּגָא דִּילְהוֹן, קֻדשָׁא בְּרִיך הוּא דִּידַע אִנּוּן רוּחִין וְנִשׁמְתִין, מְחַבֵּר לוֹן כִּדבְּקַדמֵיתָא וּמַכרְזָא עֲלַיְהוּ. וְכַד מִתחַבְּרָן, אִתעֲבִידוּ חַד גּוּפָא וְחַד נִשׁמְתָא יַמִּינָא וּשׂמָאלָאה כִּדקַא חַזֵי. וּבגִין כָּך, אֵין כָּל חָדָשׁ תַּחַת הַשָּׁמֶשׁ. וְאִי תֵּימַא, הַא תְּנֵינַן לֵית זִוּוּגָא אֵלָא לְפוֹם עוּבָדוֹי וְאָרחוֹי דְּבַר־נַשׁ. הַכֵי הוּא וַדַּאי. דְּאִי זַכֵי וְעוּבָדוֹי אִתכַּשׁרָן, זַכֵי לְהַהוּא דִּילֵיהּ לְאִתחַבָּרָא בֵּיהּ כְּמָא דִּנפֵיק. אֲמַר רִבִּי חִיָּא, מַאן דְאִתכַּשׁרָן עוּבָדוֹי, בְּאָן אֲתַר יִתבַּע הַהוּא זִוּוּגָא דִּילֵיהּ. אֲמַר לֵיהּ, הַא תְּנֵינַן, לְעוֹלָם יִמכּוֹר אָדָם וכו’ וְיִשָּׂא בַּת תַּלמִיד חָכָם. דְתַלמִיד חָכָם, פִּקדוֹנָא דְּמָארֵיהּ אִתפַּקדָן בִּידֵיהּ. תַּאנָא בְּרָזָא דְּמַתנִיתָא, כָּל אִנּוּן דַּאֲתּוּ בְּגִלגּוּלָא דְנִשׁמְתִין, יָכְלִין לְאַקדָּמָא בְּרַחֲמֵי זִוּוּגָא דִּילְהוֹן. וְעַל הַאיֵי אַתעַרוּ חַברַיָּא, אֵין נוֹשְׂאִין נָשִׁים בַּמּוֹעֵד אֲבָל מְקַדְּשִׁין, שֶׁמֶּא יִקדְּמֶנּוּ אַחֵר בָּרַחֲמִים. וְשַׁפִּיר קַאֲמַרוּ אַחֵר דַּיקָא. וְעַל כֵּן קָשִׁין זִוּוּגִין קַמֵּיהּ דְּקֻדשָׁא בְּרִיך הוּא. וְעַל כָּל פָּנִים וַדַּאי כִּי יְשָׁרִים דַּרכֵי יְ”יָ כַּתִיב. רִבִּי יְהוּדָה שְׁלַח לֵיהּ לְרִבִּי אֶלעָזָר, אֲמַר, הַא רָזָא דְּמִלָּה יָדַענָא. אִנּוּן דַּאֲתּוּ בְּגִלגּוּלָא דְּנִשׁמְתִין, מֵאָן אֲתַר לְהוּ זִוּוּגָא. שְׁלַח לֵיהּ, כַּתִיב, מַה נַּעֲשֶׂה לָהֶם לַנּוֹתָרִים לְנָשִׁים וגו’. וְכַתִיב, לְכוּ וַחֲטַפתֶּם לָכֶם וגו’. פָּרִשׁתָּא דִּבנֵי בִניָמִין אוֹכַח, וְעַל הַאיֵי תְּנֵינַן שֶׁמֶּא יִקדְּמֶנּוּ אַחֵר בָּרַחֲמִים. וְכִי אוֹתוֹ אַחֵר אֵין לוֹ בַּת זוֹגוֹ. אֲבָל תַּשׁכַּח דָּא, כְּגוֹן בַּר־נַשׁ דִּנסֵיב בַּת זוֹגֵיהּ, וְלָא הֲווֹ לֵיהּ מִנַּהּ בְּנִין וּמִית. יֵיתֵי אֲחוּהִי וִייַבֵּם אִתְּתֵיהּ, וְיִתיְלֵיד לֵיהּ מִנַּהּ בַּר. הַאיֵי בַּר, הוּא מִיתָא, דַּהֲדַּרַת נִשׁמְתֵיהּ לְעָלְמָא. דָּא הוּא אַחֵר דְּאֵין לוֹ בַּת זוֹג אֵלָא אִמֵּיהּ. וְדָא הוּא שֶׁמֶּא יִקדְּמֶנּוּ אַחֵר בָּרַחֲמִים, דְּיָכֵיל לְאַקדָּמָא אָחֳרָא לְמִסַּב אִתְּתֵיהּ בְּרַחֲמֵי וּבִצלוֹתָא. וְאַף עַל גַּב דַּאֲמֵינָא לָך דְּיָכֵיל לְאַקדָּמָא בְּרַחֲמֵי, לָא יָכֵיל אֵלָא אִם הֲוָה בַּעלַהּ חַיָּבָא, וְאִיהוּ זַכָּאָה. אֲמַר רִבִּי יְהוּדָה, הַאיֵי הוּא וַדַּאי דְּקָשִׁין זִוּוּגִין קַמֵּי קֻדשָׁא בְּרִיך הוּא. זַכָּאָה חוּלָקְהוֹן דְּיִשׂרָאֵל, דְּאוֹרָיתָא אוֹלֵיף לְהוּ אָרחוֹי דְּקֻדשָׁא בְּרִיך הוּא, וְכָל טְמִירִין וְגִנזַיָּא דִּגנִיזִין קַמֵּיהּ וַדַּאי. כַּתִיב תּוֹרַת יְ”יָ תְּמִימָה וגו’. זַכָּאָה חוּלָקֵיהּ מַאן דְּיִשׁתַּדַּל בְּאוֹרָיתָא וְלָא יִתפָּרַשׁ מִנַּהּ. דְּכָל מַן דְּיִתפָּרַשׁ מֵאוֹרָיתָא אַפִלּוּ שָׁעֲתָא חֲדָא כְּמָא דְאִתפָּרַשׁ מֵחַיֵי דְּעָלְמָא. דְּכַתִיב כִּי הוּא חַיֶּיךָ וְאוֹרֶך יָמֶיךָ. וְכַתִיב אוֹרֶך יָמִים וּשׁנוֹת חַיִּים וְשָׁלוֹם יוֹסִיפוּ לָך:

וַיהִי אַברָם בֶּן תִּשׁעִים שָׁנָה וגו’. רִבִּי יוֹסֵי פְּתַח, וְעַמֵּך כֻּלָּם צַדִּיקִים לְעוֹלָם יִירְשׁוּ אָרֶץ וגו’. זַכָּאִין אִנּוּן יִשׂרָאֵל מִכָּל שְׁאָר עַמִּין. דְּקֻדשָׁא בְּרִיך הוּא קְרָא לוֹן צַדִּיקִים. דְּתַניָא, מְאָה וְעֶשׂרִין וַחֲמֵישׁ, וּתמָניָא אַלפֵי מָארֵי דְּגַדפִּין, דְּאָזְלִין וְטָאסִין כָּל עָלְמָא וְשָׁמְעִין קָלָא, וְאָחֲדִין לֵיהּ לְהַהוּא קָלָא. כְּמָא דִּתנֵינַן, לֵית לָך מִלָּה בְּעָלְמָא דְּלֵית לַהּ קָלָא, וְאָזְלָא וְטָאסָא בִּרקִיעָא. וְאָחֲדִין לַהּ מָארֵי דְּגַדפִּין וְסָלְקִין הַהוּא קָלָא לְמָארֵיהוֹן דְּמִדִּין, וְדָיְנִין לַהּ הֵן לְטָב הֵן לְבִישׁ. דְּכַתִיב, כִּי עוֹף הַשָּׁמַיִם יוֹלִיך אֶת הַקּוֹל וגו’. אֵימָתַי דָּיְנִין לְהַהוּא קָלָא. רִבִּי חִיָּא אֲמַר, בְּשָׁעֲתָא דְּבַר־נַשׁ שָׁכֵיב וְנָאֵים, וְנִשׁמְתֵיהּ נְפַקַת מִנֵּיהּ, וְהִיא אַסהֵידַת בֵּיהּ בְּבַר־נַשׁ. וּכדֵין דָּיְנִין לְהַהוּא קָלָא. הָדָא הוּא דְּכַתִיב, מִשּׁוֹכֶבֶת חֵיקֶךָ שְׁמוֹר פִּתחֵי פִיךָ. מַאי טַעמָא, מִשּׁוֹם דְּהִיא אַסהֵידַת בְּבַר־נַשׁ. רִבִּי יְהוּדָה אֲמַר, כָּל מַה דְּבַר־נַשׁ עַבֵיד בְּכָל יוֹמָא, נִשׁמְתֵיהּ אַסהֵידַת בֵּיהּ בְּבַר־נַשׁ בְּלֵליָא. תַּאנָא, אֲמַר רִבִּי אֶלעָזָר, בִּתחִלַּת שָׁעֲתָא קַמַּיתָא בְּלֵליָא כַּד נְשַׁף יְמָמָא וְעָאל שִׁמשָׁא, מָארֵי דְּמַפתְּחָן דִּי מְמֻנֶּא עַל שִׁמשָׁא, עָאל בִּתרֵיסַר תַּרעִין דִּפתִיחָן בִּימָמָא. בָּתַר דְּעָאל בְּכֻלְּהוּ, כָּל אִנּוּן תַּרעִין סְתִימִין, כָּרוֹזָא קָאֵים וְשָׁרִי לְאַכרָזָא. קָאֵים מַאן דְקָאֵים, וְאַחֵיד לְאִנּוּן מַפתְּחָן. בָּתַר דְּסִיַּם כָּרוֹזָא, כָּל אִנּוּן נָטוֹרֵי עָלְמָא מִתכַּנְּשִׁין וְסָלְקִין, וְלֵית מַאן דְּפָתַח פִּטרָא, כֹּלָא מִשׁתַּכְּכִין. כְּדֵין דִּינִין דִּלתַתָּא מִתָּעֲרִין, וְאָזְלִין וְשָׁאטִין בְּעָלְמָא, וְסֵיהֲרָא שָׁרִי לְאַנהָרָא, וּמָארֵי דְּיַבָּבָא תָּקְעִין וּמיַלְּלִין. תָּקְעִין תִּניָנוּת, כְּדֵין מַתעֲרֵי שִׁירָתָא וּמזַמְּרִין קַמֵּי מָארֵיהוֹן. כַּמָּה מָארֵי תָּרִיסִין קָיְמֵי בְּקִיּוּמַיהוּ וְאַתעֲרוּן דִּינִין בְּעָלְמָא. כְּדֵין בְּנֵי נְשָׁא נָיְמִין, וְנִשׁמְתָא נְפַקַת וְאַסהֵידַת סָהֲדוּתָא וְאִתחַיַּבַת בְּדִינָא. וְקֻדשָׁא בְּרִיך הוּא עַבֵיד חֶסֶד בְּבַר־נַשׁ וְנִשׁמְתָא תַּבַת לְאַתרַהּ. בְּפַלגוּת לֵליָא כַּד צִפְּרִין מִתָּעֲרִין, סִטרָא דְּצָפוֹן אַתעַר בְּרוּחָא. קָם בְּקִיּוּמֵיהּ שַׁרבִיטָא דְבִסטַר דָּרוֹם, וּבטַשׁ בְּהַהוּא רוּחָא וְשָׁכֵיך וְאִתבַּסַּם. כְּדֵין אִתְּעַר קֻדשָׁא בְּרִיך הוּא בְּנִמּוֹסוֹי לְאִשׁתַּעשָׁעָא עִם צַדִּיקַיָּא בְּגִנְּתָא דְּעֵדֶן בְּהַהִיא שָׁעֲתָא. זַכָּאָה חוּלָקֵיהּ דְבַר־נַשׁ דְּקָאֵים לְאִשׁתַּעשָׁעָא בְּאוֹרָיתָא. דְהַא קֻדשָׁא בְּרִיך הוּא וְכָל צַדִּיקַיָּא דִּבגִנְּתָא דְּעֵדֶן כֻּלְּהוּ צָיְתִין לְקָלֵיהּ. הָדָא הוּא דְּכַתִיב, הַיּוֹשֶׁבֶת בַּגַּנִּים חֲבֵרִים מַקשִׁיבִים לְקוֹלֵך הַשׁמִיעִינִי. וְלֹא עוֹד אֵלָא דְּקֻדשָׁא בְּרִיך הוּא מַשֵׁיך עֲלֵיהּ חַד חוּטָא דְּחֶסֶד לְמִהוֵי תָּדֵּיר נְטִיר בְּעָלְמָא. דְּהַא עִלָּאִין וְתַתָּאִין נָטְרִין לֵיהּ, הָדָא הוּא דְּכַתִיב יוֹמָם יְצַוֶּה יְ”יָ חַסדּוֹ, וּבַלַּילָה שִׁירֹה עִמִּי. אֲמַר רִבִּי חִזקִיָּה, כָּל מַאן דְּאִשׁתַּדַּל בְּהַאיֵי שָׁעֲתָא בְּאוֹרָיתָא, וַדַּאי אִית לֵיהּ חוּלָקָא תָּדֵּיר בְּעָלְמָא דְּאָתֵי. אֲמַר רִבִּי יוֹסֵי, מַאי טַעמָא תָּדֵּיר. אֲמַר לֵיהּ, הַכֵי אוֹלֵיפנָא, דְּכָל פַּלגוּת לֵליָא כַּד קֻדשָׁא בְּרִיך הוּא אִתְּעַר בְּגִנְּתָא דְעֵדֶן, כָּל אִנּוּן נְטִיעָן דְּגִנְּתָא אִשׁתַּקיָן יַתִּיר, מֵהַהוּא נַחלָא דְאִקְּרִי נַחַל קְדוּמִים, נַחַל עֲדָנִים, דְּלָא פָסְקָן מֵימוֹי לְעָלְמִין. כַּביָכוֹל הַהוּא דְּקָאֵים וְאִשׁתַּדַּל בְּאוֹרָיתָא, כְּאִלּוּ הַהוּא נַחלָא אִתָּרַק עַל רֵישֵׁיהּ, וְאַשׁקִי לֵיהּ בְּגוֹ אִנּוּן נְטִיעָן דִּבגִנְּתָא דְּעֵדֶן. וְלֹא עוֹד, אֵלָא הוֹאִיל וְכֻלְּהוּ צַדִּיקַיָּא דִבגוֹ גִּנְּתָא דְּעֵדֶן צָיְתִין לֵיהּ, חוּלָקָא שַׁוְּיִין לֵיהּ בְּהַהוּא שַׁקיוּ דְּנַחלָא. אִשׁתְּכַח דְּאִית לֵיהּ חוּלָקָא תָּדֵּיר בְּעָלְמָא דְּאָתֵי:

רִבִּי אַבָּא הֲוָה אָתֵי מִטְּבַריָה לְבֵי טְרוּניָא דַּחֲמוּי, וְרִבִּי יַעֲקֹב בְּרֵיהּ הֲוָה עִמֵּיהּ. אִעָרַעוּ בִּכפָר טַרשָׁא. כַּד בְּעוּ לְמִשׁכַּב, אֲמַר רִבִּי אַבָּא לְמָרֵיהּ דְּבֵיתָא, אִית הַכָא תֻּרנְגוֹלֵי. אֲמַר לֵיהּ מָארֵיהּ דְּבֵיתָא, אַמַּאי. אֲמַר לֵיהּ, בְּגִין דְּקָאֵימנָא בְּפַלגוּת לֵליָא מַמָּשׁ. אֲמַר לֵיהּ, לָא אִצטְרִיך, דְּהַא סִימַנָא לִי בְּבֵיתָא. דְּהַדֵין טִקלָא דְּקַמֵּי עַרסַאי, מַלֵּינָא לֵיהּ מַיָּא, וְנָטֵיף טִיף טִיף. וּבפַלגוּת לֵליָא מַמָּשׁ, אִתָּרַקוּ כֻּלְּהוּ מַיָּא, וְאִתגַלגַּל הַאיֵי קִטפָא וְנָהֵים, וְאִשׁתְּמַע קָלֵיהּ בְּכָל בֵּיתָא. וּכדֵין הוּא פַּלגוּת לֵליָא מַמָּשׁ. וְחַד סָבָא הֲוָה לִי, דַּהֲוָה קָם בְּכָל פַּלגוּת לֵליָא וְאִשׁתַּדַּל בְּאוֹרָיתָא, וּבגִינֵי כָּך עֲבַד הַאיֵי. אֲמַר רִבִּי אַבָּא, בְּרִיך רַחמָנָא דְּשַׁדְּרַנִי הַכָא. בְּפַלגוּת לֵליָא נְהֵים הַהוּא גַּלגַּלָּא דְּקִטפָא. קָמוּ רִבִּי אַבָּא וְרִבִּי יַעֲקֹב. שְׁמַעוּ לְהַהוּא גֻּברָא דַּהֲוָה יַתֵיב בְּשִׁפּוֹלֵי בֵיתָא, וּתרֵין בְּנוֹי עִמֵּיהּ. וַהֲוָה אָמַר, כַּתִיב, חֲצוֹת לַילָה אָקוּם לְהוֹדוֹת לָך עַל מִשׁפְּטֵי צִדקֶךָ. מַאי קַא חֲמָא דָּוִד דְּאִיהוּ אֲמַר, חֲצוֹת לַילָה, וְלָא בַּחֲצוֹת לַילָה. אֵלָא חֲצוֹת לַילָה וַדַּאי לְקֻדשָׁא בְּרִיך הוּא אֲמַר הַכֵי. וְכִי קֻדשָׁא בְּרִיך הוּא הַכֵי אִקְּרִי. אִין. דְּהַא חֲצוֹת לַילָה מַמָּשׁ, קֻדשָׁא בְּרִיך הוּא אִשׁתְּכַח וְסִיעֲתָא דִּילֵיהּ. וּכדֵין הִיא שָׁעֲתָא דְּעַיֵיל בְּגִנְּתָא דְּעֵדֶן לְאִשׁתַּעשָׁעָא עִם צַדִּיקַיָּא. אֲמַר רִבִּי אַבָּא לְרִבִּי יַעֲקֹב, וַדַּאי נִשׁתַּתֵּף בִּשׁכִינְתָא וְנִתחַבֵּר כַּחדָּא. קְרִיבוּ וִיתִיבוּ עִמֵּיהּ. אֲמַרוּ לֵיהּ, אֵימַא מִלָּה דְּפֻמָּך, דְּשַׁפִּיר קַאֲמַרתּ. מְנָא לָך הַאיֵי. אֲמַר לוֹן, מִלָּה דָּא אוֹלֵיפנָא מִסָּבַאי. וְתּוּ הֲוָה אָמַר, דִּתחִלַּת שָׁעֲתָא קַמַּיתָא דְּלֵליָא, כָּל דִּינִין דִּלתַתָּא מִתָּעֲרִין וְאָזְלִין וְשָׁאטִין בְּעָלְמָא. וּבפַלגוּת לֵליָא מַמָּשׁ, קֻדשָׁא בְּרִיך הוּא אִתְּעַר בְּגִנְּתָא דְּעֵדֶן, וְדִינִין דִּלתַתָּא לָא מִשׁתַּכחָן. וְכָל נִמּוֹסִין דִּלעֵילָא, בְּלֵליָא לָא אִשׁתְּכַחוּ אֵלָא בְּפַלגוּת לֵליָא מַמָּשׁ. מְנָלַן. מֵאַברָהָם, דְּכַתִיב וַיֵּחָלֵק עֲלֵיהֶם לַילָה. בְּמִצרַיִם, וַיהִי בַּחֲצִי הַלַּילָה. וּבאַתרִין סַגִּיאִין בְּאוֹרָיתָא הַכֵי אִשׁתְּכַח. וְדָוִד הֲוָה יָדַע. וּמנָא הֲוָה יָדַע. אֵלָא הַכֵי אֲמַר סָבָא. דְּמַלכוּתָא דִּילֵיהּ, בְּהַאיֵי תַּליָא, וְעַל דָּא קְאֵים בְּהַאיֵי שָׁעֲתָא וַאֲמַר שִׁירְתָא. וּלהַכֵי קַריֵיהּ לְקֻדשָׁא בְּרִיך הוּא חֲצוֹת לַילָה מַמָּשׁ, אָקוּם לְהוֹדוֹת לָך וגו’. דְּהַא כָּל דִּינִין תַּליָן מֵהַכָא, וְדִינִין דְּמַלכוּתָא מֵהַכָא מִשׁתַּכחִין. וְהַהִיא שָׁעֲתָא אִתקְטִיר בַּהּ דָּוִד, וְקָם וַאֲמַר שִׁירְתָא. אֲתָּא רִבִּי אַבָּא וְנַשְּׁקֵיהּ. אֲמַר לֵיהּ, וַדַּאי הַכֵי הוּא, בְּרִיך רַחמָנָא דְּשַׁדְּרַנִי הַכָא. תַּא חֲזִי, לַילָה, דִּינָא בְּכָל אֲתַר, וְהַא אוֹקֵימנָא מִלֵּי, וְהַכֵי הוּא וַדַּאי. וְהַא אִתְּעַר קַמֵּיהּ דְּרִבִּי שִׁמעוֹן. אֲמַר הַהוּא יָנוֹקָא, בְּרֵיהּ דְּהַהוּא גֻּברָא, אִי הַכֵי, אַמַּאי כַּתִיב חֲצוֹת לַילָה. אֲמַר לֵיהּ, הַא אִתאֲמַר בְּפַלגוּת לֵליָא מַלכוּתָא דִּשׁמַיָּא אִתְּעַרַת. אֲמַר, אֲנָא שְׁמַענָא מִלָּה. אֲמַר לֵיהּ רִבִּי אַבָּא, אֵימַא בְּרִי טָב, דְּהַא מִלָּה דְּפֻמָּך, קָלָא דְּבוֹצִינָא לִהוֵי. אֲמַר, אֲנָא שְׁמַענָא דְּהַא לַילָה דִּינָא דְּמַלכוּתָא אִיהוּ. וּבכָל אֲתַר דִּינָא הוּא. וְהַאיֵי דְּקַאֲמַר חֲצוֹת, בְּגִין דְּיָנְקָא בִּתרֵי גְּוַנֵי, בְּדִינָא וְחֶסֶד. וּוַדַּאי פַּלגוּתָא קַדמֵיתָא דִּינָא הוּא. דְּהַא פַּלגוּתָא אָחֳרָא נְהִירוּ אַנפַּהָא בְּסִטרָא דְּחֶסֶד. וְעַל דָּא חֲצוֹת לַילָה כַּתִיב וַדַּאי. קָם רִבִּי אַבָּא וְשַׁוִּי יְדוֹי בְּרֵישֵׁיהּ וּבָרְכֵיהּ. אֲמַר, וַדַּאי חַשֵּׁיבנָא דְּחָכמְתָא לָא אִשׁתְּכַח בָּר בְּאִנּוּן זַכָּאֵי דִּזכוּ בַּהּ. הַשׁתָּא חֲמֵינָא דְּאַפִלּוּ יָנוֹקֵי בְּדָרָא דְרִבִּי שִׁמעוֹן, זְכוּ לְחָכמְתָא עִלָּאָה. זַכָּאָה אַנתּ רִבִּי שִׁמעוֹן. וָי לְדָרָא דְאַנתּ תִּסתַּלַּק מִנֵּיהּ. יְתַבוּ עַד צַפרָא וְאִשׁתַּדַּלוּ בְּאוֹרָיתָא:

פְּתַח רִבִּי אַבָּא וַאֲמַר, וְעַמֵּך כֻּלָּם צַדִּיקִים וגו’. מִלָּה דָּא הַא אוֹקְמוּהָ חַברַיָּא, מַאי טַעמָא כַּתִיב וְעַמֵּך כֻּלָּם צַדִּיקִים. וְכִי כֻּלְּהוּ יִשׂרָאֵל צַדִּיקֵי נִינְהוּ. וְהַא כַּמָּה חַיָּבִין אִית בְּהוּ בְּיִשׂרָאֵל. כַּמָּה חַטָּאִין וְכַמָּה רַשִּׁיעִין דְעָבְרִין עַל פִּקּוֹדֵי אוֹרָיתָא. אֵלָא הַכֵי תַּנָא בְּרָזָא דְּמַתנִיתִין, זַכָּאִין אִנּוּן יִשׂרָאֵל דְּעָבְדִין קֻרבָּנָא דְּרַעֲוָא לְקֻדשָׁא בְּרִיך הוּא, דְּמַקרְבִין בְּנַיהוּ לִתמָניָא יוֹמִין לְקֻרבָּנָא. וְכַד אִתגְּזַרוּ, עָאלוּ בְּהַאיֵי חוּלָקָא טָבָא דְּקֻדשָׁא בְּרִיך הוּא, דְּכַתִיב וְצַדִּיק יְסוֹד עוֹלָם. וְכֵיוָן דְּעָאלוּ בְּהַאיֵי חוּלָקָא דְּצַדִּיק, אִקְּרוּן צַדִּיקִים וַדַּאי כֻּלָּם צַדִּיקִים, וְעַל כֵּן לְעוֹלָם יִירְשׁוּ אָרֶץ, כִּדכַּתִיב פִּתחוּ לִי שַׁעֲרֵי צֶדֶק אָבֹא בָם. וְכַתִיב זֶה הַשַּׁעַר לַי”יָ, צַדִּיקִים יָבֹאוּ בוֹ. אִנּוּן דְאִתגְּזַרוּ וְאִקְּרוּן צַדִּיקִים. נֵצֶר מַטָּעַי, נֵצֶר מֵאִנּוּן נְטִיעָן דִּנטַע קֻדשָׁא בְּרִיך הוּא בְּגִנְּתָא דְּעֵדֶן. הַאיֵי אֶרֶץ חַד מִנַּיהוּ. וְעַל כֵּן אִית לְהוּ לְיִשׂרָאֵל חוּלָקָא טָבָא בְּעָלְמָא דְּאָתֵי. וְכַתִיב, צַדִּיקִים יִירְשׁוּ אָרֶץ. לְעוֹלָם יִירְשׁוּ אָרֶץ. מַהוּ לְעוֹלָם. כְּמָא דְּאוֹקֵימנָא בְּמַתנִיתָא דִּילַן, וְהַא אִתאֲמַר הַאיֵי מִלָּה בֵּין חַברַיָּא. תַּא חֲזִי, קֻדשָׁא בְּרִיך הוּא לָא קְרָא לְאַברָהָם אַברָהָם עַד הַשׁתָּא, מַאי טַעמָא. אֵלָא הַכֵי אוֹקֵימנָא, דְּעַד הַשׁתָּא לָא אִתגְּזַר. וְכַד אִתגְּזַר, אִתחַבַּר בֵּיהּ הַאיֵי הֵ”א וְשַׁריָא בֵיהּ, וּכדֵין אִקְּרִי אַברָהָם. וְהַינוּ דְּכַתִיב אֵלֶּה תּוֹלְדוֹת הַשָּׁמַיִם וְהָאָרֶץ בְּהִבָּרְאָם. וְתַאנָא בְּהֵ”א בְּרָאָם. וְתַאנָא בְּאַברָהָם. מַאי קַאַמרֵי. אֵלָא דָּא חֶסֶד, וְדָא שְׁכִינְתָא, וְכֹלָא נָחֵית כַּחדָּא, וְלָא קַשׁיָא מִלָּה, וְהַאיֵי וְהַאיֵי הַוֵי. אֲמַר רִבִּי יַעֲקֹב לְרִבִּי אַבָּא, הַאיֵי הֵ”א דְּהִבָּרְאָם זְעֵירָא, וְהֵ”א דְּהַלְיָ”י רַברְבָא, מַה בֵּין הַאיֵי לְהַאיֵי. אֲמַר לֵיהּ, דָּא שְׁמִטָּה, וְדָא יוֹבֵלָא. וְאִית דְּמַתנֵי דְּכֹלָא חַד. דְּכַד מְנָהֲרָא מִצַּדִּיק, כְּדֵין קָיְמָא בְּאַשׁלָמוּתָא וְהֵ”א רַברְבָא, דְהַא מִתנָהֲרָא כִּדקַא יָאוּת. וּלזִמנִין דְּלָא קָיְמָא בְּאַשׁלָמוּתָא וְיָנְקָא מִסִּטרָא אָחֳרָא, כְּדֵין הֵ”א זְעֵירָא. וּבגִין כָּך, זִמנִין דְּסֵיהֲרָא קָיְמָא בְּאַשׁלָמוּתָא, וְזִמנִין בִּפגִימוּתָא. וּבאַנפַּהָא אִשׁתְּכַח וְאִשׁתְּמוֹדַע, וְכֹלָא שַׁפִּיר. וְהַאיֵי אִיהוּ בְּרִירָא דְּמִלָּה:

אֲמַר רִבִּי אַבָּא, זַכָּאִין אִנּוּן יִשׂרָאֵל דְּקֻדשָׁא בְּרִיך הוּא אִתרְעִי בְּהוֹן מִכָּל שְׁאָר עַמִּין. וִיהֵיב לוֹן אָת קְיָמָא דָּא. דְּכָל מַאן דְּאִית בֵּיהּ הַאיֵי אָת, לָא נָחֵית לְגֵּיהִנָּם, אִי אִיהוּ נָטֵיר לֵיהּ כִּדקַא יָאוּת, דְּלָא עַיֵּיל לֵיהּ בִּרשׁוּתָא אָחֳרָא, וְלָא מְשַׁקַּר בִּשׁמֵיהּ דְּמַלכָּא. דְּכָל מַאן דִּמשַׁקַּר בְּהַאיֵי, כְּמַאן דִּמשַׁקַּר בִּשׁמֵיהּ דְּקֻדשָׁא בְּרִיך הוּא. דְּכַתִיב, בַּיָ”י בָּגָדוּ, כִּי בָנִים זָרִים יָלָדוּ:

תּוּ אֲמַר רִבִּי אַבָּא, בְּזִמנָא דְּבַר־נַשׁ אַסֵּיק בְּרֵיהּ לְאַעֲלֵיהּ לְהַאיֵי בְּרִית, קַרֵי קֻדשָׁא בְּרִיך הוּא לְפֵמַליָא דִּילֵיהּ וַאֲמַר, חֲמוּ מַאי בִּריָה עֲבַדִית בְּעָלְמָא. בַּהּ שָׁעֲתָא אִזדַּמַּן אֵלִיָּהוּ וְטָאס עָלְמָא בְּאַרבַּע טָאסִין וְאִזדַּמַּן תַּמָּן. וְעַל דָּא תְּנֵינַן, דְּבַעֵי בַּר־נַשׁ לְתַקָּנָא כֻּרסְיָא אָחֳרָא לִיקָרָא דִּילֵיהּ, וְיֵימַא דָּא כֻּרסְיָא דְּאֵלִיָּהוּ. וְאִי לָאו, לָא שָׁרֵי תַמָּן. וְהוּא סָלֵיק וְאַסהֵיד קַמֵּי קֻדשָׁא בְּרִיך הוּא. תַּא חֲזִי, בְּקַדמֵיתָא כַּתִיב, מַה־לְּךָ פֹה אֵלִיָּהוּ וגו’. וְכַתִיב קַנֹּא קִנֵּאתִי לַי”יָ אֱלֹהֵי צְבָאוֹת, כִּי עָזְבוּ בְרִיתְךָ בְּנֵי יִשׂרָאֵל וגו’. אֲמַר לֵיהּ, חַיֶּיךָ, בְּכָל אֲתַר דְּהַאיֵי רְשִׁימָא קַדִּישָׁא יִרשְׁמוּן לֵיהּ בְּנַי בִּבשַׂרהוֹן, אַנתּ תִּזדַּמַּן תַּמָּן. וּפֻמָּא דְּאַסהֵיד דְּיִשׂרָאֵל עָזְבוּ, הוּא יַסהֵיד דְּיִשׂרָאֵל מְקַיְּמִין הַאיֵי קְיָמָא. וְהַא תְּנֵינַן, עַל מַה אִתעֲנַשׁ אֵלִיָּהוּ קַמֵּי קֻדשָׁא בְּרִיך הוּא. עַל דַּאֲמַר דִּלטוֹרָא עַל בְּנוֹי.

אַֽדְּהַכֵי הֲוָה אַתֵּי נְהוֹרָא דְּיוֹמָא, וַהֲווֹ אָמְרֵי מִלֵּי דְּאוֹרָיתָא. קָמוּ לְמֵיזַל. אֲמַר לְהוּ הַהוּא גֻּברָא, בְּמַה דְּעַסקִיתוּ בְּהַאיֵי לֵליָא, אַשׁלִימוּ. אֲמַרוּ, מַאי הוּא. אֲמַר לְהוּ, דְּתִחמוֹן לִמחַר, אַנפּוֹי דְּמָרֵיהּ דִּקיָמָא. דְּהַא דְּבֵיתַאי בְּעָאת בָּעוּתָא דָּא מִנַּיכוּ, וּגזַר קְיָמָא דִּברִי דְּאִתיְלִיד לִי, לִמחַר לִהוֵי הִלּוּלָא דִּילֵיהּ. אֲמַר רִבִּי אַבָּא, הַאיֵי בָּעוּתָא דְּמִצוָה אִיהוּ. וּלמִחמֵי אַפֵּי שְׁכִינְתָא, נִתֵּיב. אוֹרִיכוּ כָּל הַהוּא יוֹמָא. בְּהַהוּא לֵליָא, כְּנַשׁ הַהוּא גֻּברָא כָּל אִנּוּן רְחִימוֹי, וְכָל הַהוּא לֵליָא אִשׁתַּדַּלוּ בְּאוֹרָיתָא, וְלָא הֲוָה מַאן דִּניֵים. אֲמַר לְהוּ הַהוּא גֻּברָא, בְּמַטוּ מִנַּיכוּ, כָּל חַד וְחַד לֵימַא מִלָּה חֲדַתָּא דְּאוֹרָיתָא:

א) פְּתַח רִבִּי אַבָּא וַאֲמַר, בִּפרוֹע פְּרָעוֹת בְּיִשׂרָאֵל בְּהִתנַדֵּב עָם בָּרְכוּ יְ”יָ. מַאי קַא חֲמוּ דְּבוֹרָה וּבָרָק דִּפתַחוּ בְּהַאיֵי קְרָא. אֵלָא הַכֵי תְּנֵינַן, לֵית עָלְמָא מִתקַיְּמָא אֵלָא עַל הַאיֵי בְּרִית, דְּכַתִיב אִם לֹא בְרִיתִי יוֹמָם וָלָילָה וגו’. דְּהַא שְׁמַיָּא וְאַרעָא עַל דָּא קָיְמִין. בְּגִין כָּך, כָּל זִמנָא דְּיִשׂרָאֵל מְקַיְּמִין הַאיֵי בְּרִית, נִמּוֹסֵי שְׁמַיָּא וְאַרעָא קָיְמִין בְּקִיּוּמַיהוּ. וְכָל זִמנָא דְּחָס וְשָׁלוֹם יִשׂרָאֵל מְבַטְּלִין הַאיֵי בְּרִית, שְׁמַיָּא וְאַרעָא לָא מִתקַיְּמִין, וּבִרכָאן לָא מִשׁתַּכחָן בְּעָלְמָא. תַּא חֲזִי, לָא שְׁלִיטוּ שְׁאָר עַמִּין עַל יִשׂרָאֵל, אֵלָא כַּד בַּטִּילוּ מִנַּיהוּ קְיָמָא דָּא. וּמַה בַּטִּילוּ מִנַּיהוּ, דְּלָא אִתפַּרעָן וְלָא אִתגַּלְּיָן. וְעַל דָּא כַּתִיב, וַיַּעַזבוּ בְנֵי יִשׂרָאֵל אֶת יְ”יָ וגו’. וַיִּמכּוֹר אוֹתָם בְּיַד סִיסְרָא. וַיַּעַזבוּ אֶת יְ”יָ מַמָּשׁ. עַד דַּאֲתָת דְּבוֹרָה וְאִתנַדַּבַת לְכָל יִשׂרָאֵל בְּמִלָּה דָּא, כְּדֵין אִתכְּנַעוּ שָׂנְאֵיהוֹן תְּחוֹתַיהוּ. וְהַינוּ דִּתנֵינַן, דַּאֲמַר קֻדשָׁא בְּרִיך הוּא לִיהוֹשֻׁעַ, וְכִי יִשׂרָאֵל אֲטִימִין אִנּוּן וְלָא אִתפְּרַעוּ וְלָא אִתגַּלְּיָן וְלָא קַיְּמֵי קְיָמָא דִּילִי, וְאַתּ בַּעֵי לְאַעָלָא לְהוּ לְאַרעָא וּלאַכנָעָא שָׂנְאֵיהוֹן. שׁוּב מוֹל אֶת בְּנֵי יִשׂרָאֵל שֵׁנִית. וְעַד דְּאִתפְּרַעוּ וְאִתגַּלְּיָא הַאיֵי בְרִית, לָא עָאלוּ לְאַרעָא, וְלָא אִתכְּנַעוּ שָׂנְאֵיהוֹן. אוּף הַכָא, כֵּיוָן דְאִתנַדְּבִין יִשׂרָאֵל בְּהַאיֵי אָת, אִתכְּנַעוּ שָׂנְאֵיהוֹן תְּחוֹתַיהוּ, וּבִרכָאן אִתַּחזַרוּ לְעָלְמָא. הָדָא הוּא דְּכַתִיב, בִּפרֹעַ פְּרָעוֹת בְּיִשׂרָאֵל בְּהִתנַדֵּב עָם בָּרְכוּ יְ”יָ:

ב) קָם אָחֳרָא וּפתַח וַאֲמַר, וַיהִי בַדֶּרֶך בַּמָּלוֹן וַיִּפגְּשֵׁהוּ יְ”יָ וַיבַקֵּשׁ הֲמִיתוֹ. לְמַאן, לְמֹשֶׁה. אֲמַר לֵיהּ קֻדשָׁא בְּרִיך הוּא, וְכִי אַתּ אַזֵיל לְאַפָּקָא יָת יִשׂרָאֵל מִמִּצרַיִם וּלאַכנָעָא מַלכָּא רַב וְשַׁלִּיטָא, וְאַתּ אַנשֵׁית מִנָּך קְיָמָא, דִּברָך לָא אִתגְּזַר. מִיָּד וַיבַקֵּשׁ הֲמִיתוֹ. תַּאנָא, נְחַת גַּברִיאֵל בְּשַׁלהוֹבָא דְּאֶשָּׁא לְאוֹקְדֵיהּ, וְאִתרְמִיז חַד חִויָא מִתּוֹקְדָא לְשָׁאֳפָא לֵיהּ בְּגַוֵּיהּ. אַמַּאי חִויָא. אֲמַר לֵיהּ קֻדשָׁא בְּרִיך הוּא, אַתּ אַזֵיל לְקָטלָא חִויָא רַברְבָא וְתַקִּיפָא, וּברָך לָא אִתגְּזַר. מִיָּד אִתרְמִיז לְחַד חִויָא לְקָטלָא לֵיהּ. עַד דַּחֲמָת צִפּוֹרָה וּגזַרַת לִברַהּ וְאִשׁתֵּיזֵיב. הָדָא הוּא דְּכַתִיב, וַתִּקַּח צִפּוֹרָה צוֹר, מַהוּ צוֹר אֵלָא אָסְוָתָא. וּמַאי אָסְוָתָא, דְּכַתִיב וַתִּכרוֹת אֶת עָרלַת בְּנָהּ, דְּנִצנְצָא בַּהּ רוּח קֻדשָׁא:

ג) קָם אָחֳרָא וַאֲמַר, וַיֹּאמֶר יוֹסֵף אֶל אֶחָיו גְּשׁוּ נָא אֵלַי וַיִּגָּשׁוּ. וַיֹּאמֶר וגו’. וְכִי אַמַּאי קְרִי לְהוּ, וְהַא קְרִיבִין הֲווֹ גַּבֵּיהּ. אֵלָא בְּשָׁעֲתָא דַּאֲמַר לוֹן אֲנִי יוֹסֵף אֲחִיכֶם, תְּוַהוּ דַּחֲמוּ לֵיהּ בְּמַלכוּ עִלָּאָה. אֲמַר יוֹסֵף, מַלכוּ דָּא, בְּגִין דָּא רְוַחנָא לַהּ. גְּשׁוּ נָא אֵלַי וַיִּגָּשׁוּ, דְּאַחזִי לְהוּ הַאיֵי קְיָמָא דְּמִילָה. אֲמַר, דָּא גְּרַמַת לִי מַלכוּ דָּא, בְּגִין דִּנטַרִית לַהּ. מִכָּאן אוֹלֵיפנָא, מַאן דְּנָטֵיר לְהַאיֵי אָת קְיָמָא, מַלכוּ אִתנְטַרַת לֵיהּ. מְנָלַן, מִבֹּעַז, דְּכַתִיב חַי יְ”יָ שִׁכבִי עַד הַבֹּקֶר. דַּהֲוָה מְקַטרֵג לֵיהּ יִצרֵיהּ, עַד דְּאוֹמִי אוֹמָאָה וּנטֵיר לְהַאיֵי בְּרִית. בְּגִין כָּך זְכָא דִּנפַקוּ מִנֵּיהּ מַלכִין שַׁלִּיטִין עַל כָּל שְׁאָר מַלכִין, וּמַלכָּא מְשִׁיחָא דְּאִתקְרִי בִּשׁמָא דְּקֻדשָׁא בְּרִיך הוּא:

ד) פְּתַח אִדַּך וַאֲמַר, כַּתִיב אִם תַּחֲנֶה עָלַי מַחֲנֶה וגו’. הַכֵי תַּאנָא, בְּזֹאת אֲנִי בוֹטֵחַ, מַהוּ בְּזֹאת. דָּא אָת קְיָמָא דִּזמִינָא תָּדֵּיר גַּבֵּי בַּר־נַשׁ, וְאִתרְמִיזָא לְעֵילָא. וּבגִינֵי כָּך אִתאֲמַר בְּזֹאת, כְּמָא דְּכַתִיב זֹאת אוֹת הַבְּרִית. זֹאת בְּרִיתִי. וְכֹלָא בְּחַד דַּרגָּא. וְתַאנָא, זֶה וְזֹאת, בְּחַד דַּרגָּא אִנּוּן וְלָא מִתפָּרְשָׁן. וְאִי תֵּימַא אִי הַכֵי, הַא שְׁאָר בְּנֵי עָלְמָא הַכֵי, אַמַּאי דָּוִד בִּלחוֹדוֹי וְלָא אָחֳרָא. אֵלָא בְּגִין דַּאֲחִידָא בֵּיהּ וְאִתרְמִיזָא בֵּיהּ, וְהִיא כִּתרָא דְּמַלכוּתָא. תַּא חֲזִי, בְּגִין דְּהַאיֵי זֹאת לָא נְטַר לֵיהּ דָּוִד מַלכָּא כִּדקַא חַזֵי, מַלכוּתָא אִתַּעדִּי מִנֵּיהּ כָּל הַהוּא זִמנָא. וְהַכֵי אוֹלֵיפנָא, הַאיֵי זֹאת אִתרְמִיזָא בְּמַלכוּתָא דִּלעֵילָא, וְאִתרְמִיזָא בִּירֻשׁלֶם קַרתָּא קַדִּישָׁא. בְּהַהִיא שָׁעֲתָא דְּדָוִד עֲבַר עֲלֵיהּ, נְפַק קָלָא וַאֲמַר, דָּוִד, בְּמַה דְאִתקְטַרתּ, תִּשׁתְּרִי. לָך טָרְדִין מִיְּרֻשׁלֶם, וּמַלכוּתָא אִתַּעדִּי מִנָּך. מְנָא לַן, דְּכַתִיב הִננִי מֵקִים עָלֶיךָ רָעָה מִבֵּיתֶךָ. מִבֵּיתֶךָ דַּיקָא. וְהַכֵי הֲוָה, בְּמַה דַּעֲבַר, בֵּיהּ אִתעֲנַשׁ. וּמַה דָּוִד מַלכָּא הַכֵי, שְׁאָר בְּנֵי עָלְמָא, עַל אַחַת כַּמָּה וְכַמָּה:

ה) פְּתַח אִדַּך וַאֲמַר, לוּלֵי יְ”יָ עֶזרָתָה לִּי כִּמעַט שָׁכְנָה דוּמָה נַפשִׁי. תַּאנָא, בְּמַה זָכַאן יִשׂרָאֵל דְּלָא נָחֲתֵי לְגֵּיהִנָּם כִּשׁאָר עַמִּין, וְלָא אִתמַסרוּן בִּידוֹי דְּדוּמָה, בְּהַאיֵי אָת. דְּהַכֵי תַּאנָא, בְּשָׁעֲתָא דְּבַר־נַשׁ נַפֵיק מֵעָלְמָא, כַּמָּה חֲבִילֵּי טְהִירִין אִתפַּקְּדָן עֲלֵיהּ, זָקְפִין עֵינָא וְחָמַאן הַאיֵי אָת דְּהוּא קְיָמָא דְּקֻדשָׁא, אִתפָּרְשָׁן מִנֵּיהּ, וְלָא אִתיְהֵיב בִּידוֹי דְּדוּמָה לְנָחתָא לְגֵּיהִנָּם. דְּכָל מַאן דְּאִתמְסַר בִּידוֹי, נַחֵית לְגֵּיהִנָּם וַדַּאי. וּמֵהַאיֵי אָת דָּחֲלִין עִלָּאִין וְתַתָּאִין, וְדִינִין בִּישִׁין לָא שָׁלְטִין בֵּיהּ בְּבַר־נַשׁ אִי אִיהוּ זַכֵי לִנטַורֵי לֵיהּ לְהַאיֵי אָת, בְּגִין דְּהוּא אִתאֲחִיד בִּשׁמָא דְּקֻדשָׁא בְּרִיך הוּא. כֵּיוָן דְּדָוִד מַלכָּא לָא נְטַר אָת קְיָמָא דָּא כִּדקַא חַזֵי, אִתַּעדִּי מִנֵּיהּ מַלכוּתָא וְאִתטְרִיד מִיְּרֻשׁלֶם, מִיָּד דְּחֵיל, דִּסבַר דְּיַחֲתוּן לֵיהּ מִיָּד וְיִמסְרוּן לֵיהּ בִּידוֹי דְּדוּמָה וִימוּת בְּהַהוּא עָלְמָא, עַד דְּאִתבַּשַּׂר בֵּיהּ, דְּכַתִיב גַּם יְ”יָ הֶעֱבִיר חַטָּאתְךָ, לֹא תָמוּת. בַּהּ שָׁעֲתָא פְּתַח וַאֲמַר, לוּלֵי יְ”יָ עֶזרָתָה לִּי, כִּמעַט שָׁכְנָה דוּמָה נַפשִׁי:

ו) פְּתַח אִדַּך וַאֲמַר, מַאי הַאיֵי דְּכַתִיב דַּאֲמַר דָּוִד, וְהִראַנִי אוֹתוֹ וְאֶת נָוֵהוּ. מַאן יָכֵיל לְמִחמֵי לֵיהּ לְקֻדשָׁא בְּרִיך הוּא. אֵלָא הַכֵי תְּנֵינַן, בְּהַהִיא שָׁעֲתָא דְּאִתגְּזַר עֲלֵיהּ הַהוּא עֻנשָׁא, וְדָוִד יְדַע דְּעַל דְלָא נְטַר הַאיֵי אָת כִּדקַא יָאוּת אִתעֲנַשׁ בְּהַאיֵי. דְּכֹלָא כַּחדָּא אֲחִידָא וְכֹלָא אִתרְמִיז בְּהַאיֵי אָת, וְלָא אִקְּרִי צַדִּיק מַאן דְּלָא נָטַר לֵיהּ כִּדקַא יָאוּת, הֲוָה בַּעֵי בָּעוּתֵיהּ וַאֲמַר, וְהִראַנִי אוֹתוֹ וְאֶת נָוֵהוּ. מַאי אוֹתוֹ. דָּא אָת קְיָמָא קַדִּישָׁא, דְּהַא דָּחֵילנָא דְּאִתאֲבִיד מִנַּאי. מַאי טַעמָא. בְּגִין דִּתרֵין אִלֵּין, מַלכוּתָא וִירֻשׁלֶם, בְּהַאיֵי אֲחִידָן. וּבגִין כָּך תְּלִי בְּבָעוּתֵיהּ, אוֹתוֹ וְאֶת נָוֵהוּ, דְּיִתהֲדַּר מַלכוּתָא דְּהַאיֵי אָת לְאַתרֵיהּ וְכֹלָא חַד מִלָּה:

ז) פְּתַח אִדַּך וַאֲמַר, וּמִבְּשָׂרִי אֶחֱזֶה אֱלוֹהַּ. מַאי וּמִבְּשָׂרִי. וּמֵעֲצָמַי מִבְּעִי לֵיהּ. אֵלָא מִבְּשָׂרִי מַמָּשׁ. וּמַאי הִיא. דְּכַתִיב וּבשַׂר קֹדֶשׁ יַעַברוּ מֵעָלָיִך, וְכַתִיב וְהָיְתָה בְרִיתִי בִּבשַׂרכֶם. דְּתַניָא, בְּכָל זִמנָא דְאִתרְשִׁים בַּר־נַשׁ בְּהַאיֵי רְשִׁימָא קַדִּישָׁא דְּהַאיֵי אָת, מִנֵּיהּ חַמֵי לְקֻדשָׁא בְּרִיך הוּא, מִנֵּיהּ מַמָּשׁ. וְנִשׁמְתָא קַדִּישָׁא אִתאֲחֵידַת בֵּיהּ. וְאִי לָא זַכֵי, דְלָא נַטֵיר הַאיֵי אָת, מַה כַּתִיב, מִנִּשׁמַת אֱלוֹהַּ יֹאבֵדוּ. דְּהַא רְשִׁימוּ דְּקֻדשָׁא בְּרִיך הוּא לָא אִתנְטִיר. וְאִי זַכֵי וְנַטֵיר לֵיהּ, שְׁכִינתָא לָא אִתפָּרַשׁ מִנֵּיהּ. אֵימָתַי מִתקַיְּמָא בֵיהּ. כַּד אִתנְסִיב, וְהַאיֵי אָת עַיֵיל בְּאַתרֵיהּ. דְתַניָא, מַאי טַעמָא, וָא”ו הֵ”א אָזְלִין כַּחדָּא. אֵלָא חַד דְּכַר, וְחַד נֻקבָּא, אִשׁתַּתַּפוּ כַּחדָּא וְאִקְּרִי חַד שְׁמָא, כְּדֵין חֶסֶד עִלָּאָה שַׁריָא עֲלַייהוּ. בְּאָן אֲתַר שַׁריָא, בְּסִטרָא דִּדכוּרָא. וּמַאן חֶסֶד. חֶסֶד אֵ”ל, דְאַתֵּי וְנַפֵיק מֵחָכמָה עִלָּאָה וְאִתעַטַּר בִּדכוּרָא, וּבגִין כָּך אִתבַּסַּמַת נֻקבָּא. תּוּ תְּנֵינַן, אֱלוֹהַּ הַכֵי הוּא. אֵל, נְהִירוּ דְּחָכמְתָא. וָא”ו דְּכַר, הֵ”א נֻקבָּא, אִשׁתַּתַּפוּ כַּחדָּא, אֱלוֹהַּ אִקְּרִי. וְנִשׁמְתָא קַדִּישָׁא, מֵהַאיֵי אֲתַר אִתאֲחַדַת, וְכֹלָא תַּליָא בְּהַאיֵי אָת. וְעַל דָּא כַּתִיב, וּמִבְּשָׂרִי אֶחֱזֶה אֱלוֹהַּ. דָּא שְׁלִימוּתָא דְּכֹלָא, מִבְּשָׂרִי מַמָּשׁ. מֵהַאיֵי אָת מַמָּשׁ. וְעַל דָּא, זַכָּאִין אִנּוּן יִשׂרָאֵל קַדִּישִׁין דַּאֲחִידָן בֵּיהּ בְּקֻדשָׁא בְּרִיך הוּא. זַכָּאִין אִנּוּן בְּעָלְמָא דֵין וּבעָלְמָא דְּאָתֵי. עֲלַיהוּ כַּתִיב, וְאַתֶּם הַדְּבֵקִים בַּי”יָ וגו’. וּבגִין כָּך, חַיִּים כֻּלְּכֶם הַיּוֹם.

אֲמַר רִבִּי אַבָּא, וּמַה בְּכָל כָּך אַתּוּן חַכִּימִין, וְאַתּוּן יָתְבִין הַכָא. אֲמַרוּ לֵיהּ, אִי צִפְּרֵי יִתעֲקַרוּ מֵאַתרַיהוּ, לָא יָדְעִין לְאָן טָאסָן. הָדָא הוּא דְּכַתִיב, כְּצִפּוֹר נוֹדֶדֶת מִן קִנָּהּ, כֵּן אִישׁ נוֹדֵד מִמְּקוֹמוֹ. וְאַתרָא דָּא, זַכִּי לַן לְאוֹרָיתָא. וְהַאיֵי אוֹרחָא דִּילַן, בְּכָל לֵליָא פַּלגוּתָא אַנַּן נָיְמִין, וּפַלגוּתָא אַנַּן עָסְקִין בְּאוֹרָיתָא. וְכַד אַנַּן קָיְמִין בְּצַפרָא, רֵיחֵי חַקלָא וְנַהרֵי מַיָּא נָהֲרִין לַן אוֹרָיתָא, וְאִתיַשַּׁבַת בְּלִבַּן. וַאֲתַר דָּא, הַא דַּיְּנוּהּ לְעֵילָא זִמנָא חֲדָא. וְכַמָּה סָרְכֵי תָּרִיסִין אִסתַּלַּקוּ בְּהַהוּא דִּינָא עַל עֻנשָׁא דְּאוֹרָיתָא. וּכדֵין אִשׁתַּדָּלוּתָא דִּילַן יְמָמָא וְלֵליָא, בְּאוֹרָיתָא הוּא. וְאַתרָא דָּא קַא מְסַיֵּיע לַן. וּמַאן דְּאִתפָּרַשׁ מִכָּאן, כְּמַאן דְאִתפָּרַשׁ מֵחַיֵי עָלְמָא. זְקֵיף יְדוֹי רִבִּי אַבָּא וּבָרֵיך לוֹן. יְתַבוּ עַד דִּנהַר יְמָמָא. בָּתַר דִּנהַר יְמָמָא, אֲמַרוּ לְאִנּוּן דַּרדְּקֵי דְּקַמַּיהוּ, פּוּקוּ וַחֲמוּ אִי נְהַר יְמָמָא. וְכָל חַד לֵימַא מִלָּה חֲדַתָּא דְּאוֹרָיתָא לְהַאיֵי גֻּברָא רַבָּא. נְפַקוּ וַחֲמוּ דִּנהַר יְמָמָא. אֲמַר חַד מִנַּיהוּ, זְמִין הַאיֵי יוֹמָא אֶשָּׁא מִלּעֵילָא. אֲמַר אָחֳרָא, וּבהַך בֵּיתָא. אֲמַר אָחֳרָא, חַד סָבָא הַכָא, דִּזמִין הַאיֵי יוֹמָא לְאִתּוֹקָדָא בְּנוּרָא דָּא. אֲמַר רִבִּי אַבָּא, רַחמָנָא לִישֵׁיזְבַן. תְּוַהּ וְלָא יְכֵיל לְמַלָּלָא. אֲמַר, קֻטרָא דְּהוּרמַנָא, בְּאַרעָא אִתְּפַסַת. וְכָּך הֲוָה, דְּהַהוּא יוֹמָא חֲמוּ חַברַיָּא אַפֵּי שְׁכִינְתָא וְאִסתְּחַרוּ בְּאֶשָּׁא. וְרִבִּי אַבָּא אִתלְהִיטוּ אַנפּוֹי כְּנוּרָא, מֵחֶדוַתָא דְּאוֹרָיתָא. תַּאנָא, כָּל הַהוּא יוֹמָא לָא נְפַקוּ כֻּלְּהוּ מִבֵּיתָא, וּבֵיתָא אִתקְטַר בְּקִטרָא. וַהֲווֹ חֲדַתָּן מִלֵּי בְּגַוַּיהוּ, כְּאִלּוּ קִבְּלוּ הַהוּא יוֹמָא אוֹרָיתָא מִטּוּרָא דְּסִינַי. בָּתַר דְּאִסתַּלַּקוּ, לָא הֲווֹ יָדְעֵי אִי הוּא יְמָמָא וְאִי לֵליָא. אֲמַר רִבִּי אַבָּא, בְּעוֹד דְּאַנַּן קָיְמִין, לֵימַא כָּל חַד מִנַּן מִלָּה חֲדַתָּא דְּחָכמְתָא, לְאַקשָׁרָא טֵיבוּ לְמָארֵיהּ דְּבֵיתָא מָרֵיהּ דְּהִלּוּלָא:

ח) פְּתַח חַד וַאֲמַר, אַשׁרֵי תִּֽבְחַר וּתקָרֵב יִשׁכּוֹן חֲצֵרֶיךָ וגו’. בְּקַדמֵיתָא חֲצֵרֶיךָ, לְבָתַר בֵּיתֶךָ, וּלבָתַר הֵיכָלֶךָ. דָּא פְּנִימָאָה מִן דָּא, וְדָא לְעֵילָא מִן דָּא. יִשׁכּוֹן חֲצֵרֶיךָ בְּקַדמֵיתָא, כְּמָא דְּאִתאֲמַר וְהָיָה הַנִּשׁאָר בְּצִיּוֹן וְהַנּוֹתָר בִּירוּשָׁלִַם קָדוֹשׁ יֵאָמֶר לוֹ. נִשׂבְּעָה בְּטוּב בֵּיתֶךָ, לְבָתַר, כְּמָא דְּאִתאֲמַר בְּחָכמָה יִבָּנֶה בָּיִת. הַחָכמָה יִבנֶה בָּיִת, לָא כַּתִיב. דְּאִי כַּתִיב הַכֵי, הֲוָה מַשׁמַע דְּחָכמָה בַּיִת אִקְּרִי. אֵלָא כַּתִיב בְּחָכמָה יִבָּנֶה בָּיִת, הַינוּ דְּכַתִיב וְנָהָר יוֹצֵא מֵעֵדֶן לְהַשׁקוֹת אֶת הַגָּן וגו’. קְדוֹשׁ הֵיכָלֶך, לְבָתַר דָּא, הוּא שְׁלִימוּ דְּכֹלָא. דְּהַכֵי תְּנֵינַן, מַהוּ הֵיכָל. כְּלוֹמַר הֵ”י כָּ”ל, הַאיֵי וְהַאיֵי. וְכֹלָא אִשׁתְּלִים כַּחדָּא. רֵישָׁא דִּקרָא מַה מוֹכַח. דְּכַתִיב אַשׁרֵי תִּֽבְחַר וּתקָרֵב יִשׁכּוֹן חֲצֵרֶיךָ. הַאיֵי מַאן דְאַקרֵיב בְּרֵיהּ קֻרבָּנָא קַמֵּי קֻדשָׁא בְּרִיך הוּא, רַעֲוָא דְּקֻדשָׁא בְּרִיך הוּא בְּהַהוּא קֻרבָּנָא. וְאִתרְעִי בֵיהּ וְקָרֵיב לֵיהּ. וְשַׁוִּי מְדוֹרֵיהּ בִּתרֵין אִדְּרִין. וְאַחֵיד לְהַאיֵי וּלהַאיֵי דְּאִנּוּן תְּרֵין אִתקַשַּׁרוּ כַּחדָּא. דְּכַתִיב יִשׁכּוֹן חֲצֵרֶיךָ. חֲצֵרֶיךָ וַדַּאי תְּרֵי. בְּגִינֵי כָּך, חַסִּידֵי קַדמָאֵי סָבָאן דְּהַכָא, כַּד מַקרְבִין בְּנַיהוּ לְקֻרבָּנָא דָּא, פָּתְחֵי וְאָמְרֵי אַשׁרֵי תִּֽבְחַר וּתקָרֵב יִשׁכּוֹן חֲצֵרֶיךָ. אִנּוּן דְּקָיְמֵי עֲלַיהוּ אָמְרֵי, נִשׂבְּעָה בְּטוּב בֵּיתֶךָ קְדוֹשׁ הֵיכָלֶךָ. לְבָתַר מְבָרֵך, אֲשֶׁר קִדְּשָׁנוּ בְמִצוֹתָיו וְצִוָּנוּ לְהַכנִיסוֹ בִּברִיתוֹ שֶׁלְּ־אַברָהָם אָבִינוּ. וְאִנּוּן דְּקָיְמֵי עֲלַיהוּ אָמְרֵי, כְּשֵׁם שֶׁהִכנַסתּוֹ לַבְּרִית וכו’. וּתנֵינַן, בְּקַדמֵיתָא לִבעֵי בַּר־נַשׁ רַחֲמִין עֲלֵיהּ, וּלבָתַר עַל אָחֳרָא, דְּכַתִיב וְכִפֶּר בַּעֲדוֹ, בְּקַדמֵיתָא. וּלבָתַר, וּבעַד כָּל קְהַל יִשׂרָאֵל. וְאַנַּן אוֹרחָא דָּא נְקֵיטִינַּן, וְהַכֵי שַׁפִּיר וְחַזֵי לְקַמַּן. אֲמַר רִבִּי אַבָּא, וַדַּאי כָּך הוּא, וְיָאוּת מִלָּה. וּמַאן דְּלָא אֲמַר הַכֵי, אַפֵּיק גַּרמֵיהּ מֵעֶשֶׂר חֻפּוֹת דִּזמִין קֻדשָׁא בְּרִיך הוּא לְמֶעֱבַד לְצַדִּיקַיָּא בְּעָלְמָא דְּאָתֵי. וְכֻלְּהוּ מִתקַשְּׁרָן בְּהַאיֵי. וּבגִינֵי כָּך עַשׂרָא מִלֵּי דִּמהֵימָנוּתָא אִית בְּהַאיֵי קְרָא, אַשׁרֵי תִּֽבְחַר וּתקָרֵב וגו’. וְכָל מִלָּה וּמִלָּה, חַד חֻפָּה אִתעֲבִיד מִנַּהּ. זַכָּאָה חוּלָקֵיכוֹן בְּעָלְמָא דֵין וּבעָלְמָא דְּאָתֵי. דְּהַא אוֹרָיתָא מִתקַשְּׁרָא בְּלִבַּיכוּ, כְּאִלּוּ קָיְמִיתוּ בְּגּוּפַיכוּ בְּטוּרָא דְּסִינַי בְּשָׁעֲתָא דְאִתיְהֵיבַת אוֹרָיתָא לְיִשׂרָאֵל:

ט) פְּתַח אִדַּך וַאֲמַר, מִזבַּח אֲדָמָה תַּעֲשֶׂה לִּי, וְזָבַחתָּ עָלָיו אֶת עוֹלוֹתֶיךָ וְאֶת שְׁלָמֶיךָ וגו’. תַּאנָא, כָּל מַאן דְקָרֵיב בְּרֵיהּ לְקֻרבָּנָא דָּא, כְּאִלּוּ אַקרֵיב כָּל קֻרבָּנִין דְּעָלְמָא לְקַמֵּיהּ דְּקֻדשָׁא בְּרִיך הוּא. וּכאִלּוּ בָּנֵי מַדבְּחָא שְׁלִימְתָא קַמֵּיהּ. בְּגִינֵי כָּך, בַּעֵי לְסַדָּרָא מַדבְּחָא בְּמָאנָא חַד מַליָא אַרעָא, לְמִגזַר עֲלֵיהּ הַאיֵי קְיָמָא קַדִּישָׁא. וְאִתחֲשִׁיב קַמֵּי קֻדשָׁא בְּרִיך הוּא כְּאִלּוּ אַדבַּח עֲלֵיהּ עֲלָוָן וְקֻרבָּנִין עָאנָא וְתוֹרֵי. וְנַיחָא לֵיהּ יַתִּיר מִכֻּלְּהוּ, דְּכַתִיב וְזָבַחתָּ עָלָיו אֶת עוֹלוֹתֶיךָ וְאֶת שְׁלָמֶיךָ וגו’. בְּכָל הַמָּקוֹם אֲשֶׁר אַזכִּיר אֶת שְׁמִי. מַהוּ אַזכִּיר אֶת שְׁמִי. דָּא מִילָה דְּכַתִיב בַּהּ, סוֹד יְ”יָ לִירֵיאָיו וּברִיתוֹ לְהוֹדִיעָם. הַאיֵי מִזבַּח אֲדָמָה וַדַּאי כְּמָא דַּאֲמֵינָא. בַּתרֵיהּ מַה כַּתִיב, וְאִם מִזבַּח אֲבָנִים תַּעֲשֶׂה־לִּי. רְמָז לְגִּיּוֹרָא כַּד אִתגַּיַּר, דְּאִיהוּ מֵעַם קְשֵׁי קְדָל וּקשֵׁי לִבָּא. הַאיֵי אִקְּרִי מִזבַּח אֲבָנִים. לֹא תִבנֶה אֶתהֶן גָּזִית. מַאי הוּא. דְּבַעֵי לְאַעָלָא לֵיהּ בְּפֻלחָנָא דְּקֻדשָׁא בְּרִיך הוּא. וְלָא יִגזַר יָתֵיהּ עַד דְּיִנשֵׁי פֻּלחָנָא אָחֳרָא דַּעֲבַד עַד הַכָא, וְיַעדֵּי מִנֵּיהּ הַהוּא קַשׁיוּ דְּלִבָּא. וְאִי אִתגְּזַר וְלָא אַעדִּי מִנֵּיהּ הַהוּא קַשׁיוּ דְּלִבָּא לְמֵיעַל בְּפֻלחָנָא קַדִּישָׁא דְּקֻדשָׁא בְּרִיך הוּא, הֲרֵי הוּא כְּהַאיֵי פְּסִילָא דְּאַבנָא דְּגָזְרֵי לֵיהּ מֵהַאיֵי גִּסָּא וּמֵהַאיֵי גִּסָּא וְאִשׁתְּאַר אַבנָא כִּדבְּקַדמֵיתָא. בְּגִין כָּך, לֹא תִבנֶה אֶתהֶן גָּזִית. דְּאִי אִשׁתְּאַר בְּקַשׁיוּתֵיהּ, כִּי חַרבְּךָ הֵנַפתָּ עָלֶיהָ וַתְּחַֽלְלֶהָ. כְּלוֹמַר הַהוּא גְּזִירוּ דְאִתגְּזַר, לָא מְהַנְּיָא לֵיהּ. בְּגִינֵי כָּך זַכָּאָה חוּלָקֵיהּ דְּמַאן דְּאַקרֵיב הַאיֵי קֻרבָּנָא בְּחֶדוַתָא בְּרַעֲוָא קַמֵּי קֻדשָׁא בְּרִיך הוּא. וּבַעֵי לְמִחדֵּי בְּהַאיֵי חוּלָקָא כָּל הַהוּא יוֹמָא. דְּכַתִיב וְיִשׂמְחוּ כָל חוֹסֵי בָך לְעוֹלָם יְרַנֵּנוּ וְתָסֵך עָלֵימוֹ, וְיַעלְצוּ בְךָ אוֹהֲבֵי שְׁמֶךָ:

י) פְּתַח אִדַּך וַאֲמַר, וַיהִי אַברָם בֶּן תִּשׁעִים שָׁנָה וְתֵשַׁע שָׁנִים, וַיֵּרָא יְ”יָ וגו’. אֲנִי אֵל שַׁדַּי, הִתהַלֵּך לְפָנַי וגו’. הַאיֵי קְרָא אִית לְעַיָּנָא בֵיהּ, וְקַשׁיָא בְכַמָּה אֹרחִין. וְכִי עַד הַשׁתָּא לָא אִתגְּלִי לֵיהּ קֻדשָׁא בְּרִיך הוּא לְאַברָהָם, אֵלָא הַאידַּנָא כַּד מְטָא לְהַנֵי יוֹמִין וַיֵּרָא יְ”יָ אֶל אַברָם וְלֹא קוֹדֵם. וְהַכַּתִיב וַיֹּאמֶר יְ”יָ אֶל אַברָם. וַי”יָ אָמַר אֶל אַברָם. וַיֹּאמֶר לְאַברָם יָדוֹעַ תֵּדַע וגו’. וְהַאידַּנָא מְנִי חוּשׁבָּן יוֹמִין. וְכַד מְנִי לְהוּ, כַּתִיב וַיֵּרָא יְ”יָ אֶל אַברָם. אִשׁתְּמַע דְּעַד הַשׁתָּא לָא אִתגְּלִי עֲלוֹי. וְעוֹד, דְּכַתִיב בֶּן תִּשׁעִים שָׁנָה וְתֵשַׁע שָׁנִים, בְּקַדמֵיתָא שָׁנָה וּלבַסּוֹף שָׁנִים. אֵלָא הַכֵי תַּאנָא, כָּל אִנּוּן יוֹמִין לָא כַּתִיב וַיֵּרָא. מַאי טַעמָא. אֵלָא כָּל כְּמָא דַּהֲוָה אֲטִים וּסתִים, קֻדשָׁא בְּרִיך הוּא לָא אִתגְּלִי עֲלֵיהּ כִּדקַחַזֵי. הַאידַּנָא אִתגְּלִי עֲלֵיהּ, דְּכַתִיב וַיֵּרָא. מַאי טַעמָא. מִשּׁוֹם דִּבעָא לְגַלָּאָה בֵּיהּ הַאיֵי אָת כִּתרָא קַדִּישָׁא. וְעוֹד, דִּבעָא קֻדשָׁא בְּרִיך הוּא לְאַפָּקָא מִנֵּיהּ זַרעָא קַדִּישָׁא, וְקַדִּישָׁא לָא לִהוֵי בְּעוֹד דְּאִיהוּ אֲטִים בִּשׂרָא. אֵלָא אֲמַר, הַשׁתָּא דְּהוּא בֶּן תִּשׁעִים שָׁנָה וְתֵשַׁע שָׁנִים, וּזמָן קָרִיב הוּא דְּיִנפּוֹק מִנֵּיהּ זַרעָא קַדִּישָׁא, לִהוֵי הוּא קַדִּישָׁא בְּקַדמֵיתָא, וּלבָתַר יִנפּוֹק מִנֵּיהּ זַרעָא קַדִּישָׁא. בְּגִין כָּך מְנִי יוֹמוֹי בְּהַאיֵי, וְלָא בְּכָל הַנֵי זִמנֵי קַדמֵיתָא. תּוּ תִּשׁעִים שָׁנָה, דְּכָל יוֹמוֹי קַדמָאֵי לָא הֲווֹ שָׁנִים אֵלָא כְּחַד שָׁנָה, דְּלָא הֲווֹ יוֹמוֹי יוֹמִין. הַשׁתָּא דִּמטָא לְהַאיֵי, שָׁנִים אִנּוּן וְלָא שָׁנָה:

וַיֹּאמֶר אֵלָיו אֲנִי אֵל שַׁדַּי. מַאי מַשׁמַע דְּעַד הַשׁתָּא לָא קַאֲמַר אֲנִי אֵל שַׁדַּי. אֵלָא הַכֵי תַּאנָא, עֲבַד קֻדשָׁא בְּרִיך הוּא כִּתרִין תַּתָּאִין דְּלָא קַדִּישִׁין לְתַתָּא. וְכָל אִנּוּן דְּלָא אִתגְּזַרוּ, יִסתָּאֲבוּן בְּהוֹן וּרשִׁימִין בְּהוֹן. וּמַאי רִשּׁוּמָא אִית בְּהוֹן. דְּאִתַּחזִי בְּהוּ שִׁי”ן דֶּלֶ”ת וְלָא יַתִּיר. וּבגִין כָּך אִסתָּאֲבוּן בְּהוּ וְאִתדַּבְּקוּן בְּהוּ. בָּתַר דְּאִתגְּזַרוּ, נָפְקִין מֵאִלֵּין וְעָאלִין בְּגַדפּוֹי דִּשׁכִינְתָא. וְאִתגַּלְּיָא בְּהוּ יוֹ”דּ רְשִׁימָא קַדִּישָׁא, אָת קְיָמָא שְׁלִים, וְאִתרְשִׁים בְּהוּ שַׁדַּ”י וְאִשׁתְּלִים בְּקִיּוּמָא שְׁלִים. וְעַל דָּא כַּתִיב בְּהַאיֵי, אֲנִי אֵל שַׁדַּי, הִתהַלֵּך לְפָנַי וֶהיֵה תָמִים, שְׁלִים. דְהַשׁתָּא אַתּ חָסֵר בִּרשִׁימָא דְּשִׁי”ן וְדֶלֶ”ת. גְּזַר גַּרמָך וִהוִי שְׁלִים בִּרשִׁימָא דְּיוֹ”דּ. וּמַאן דְּאִיהוּ בְּרִשּׁוּמָא דָּא, אִתַּחזִי לְאִתבָּרָכָא בִּשׁמָא דָּא. דְּכַתִיב, וְאֵל שַׁדַּי יְבָרֵך אוֹתְךָ. מַהוּ אֵל שַׁדַּי. הַהוּא דְּבִרכָאן נָפְקָן מִנֵּיהּ, הוּא דְּשָׁלֵיט עַל כָּל כִּתרִין תַּתָּאִין. וְכֹלָא מִדַּחלְתֵיהּ דָּחֲלִין וּמִזדַּעזְעִין. בְּגִינֵי כָּך, מַאן דְּאִתגְּזַר, כָּל אִנּוּן דְּלָא קַדִּישִׁין אִתרַחֲקָן מִנֵּיהּ וְלָא שָׁלְטִין בֵּיהּ. וְלֹא עוֹד אֵלָא דְּלָא נָחֵית לְגֵּיהִנָּם, דְּכַתִיב וְעַמֵּך כֻּלָּם צַדִּיקִים וגו’. אֲמַר רִבִּי אַבָּא, זַכָּאִין אַתּוּן בְּעָלְמָא דֵין וּבעָלְמָא דְּאָתֵי. זַכָּאָה חוּלָקִי דַּאֲתֵינָא לְמִשׁמַע מִלִּין אִלֵּין מִפֻּמֵּיכוֹן. כֻּלְּכוּ קַדִּישִׁין, כֻּלְּכוּ בְּנֵי אֱלָהָא קַדִּישָׁא. עֲלַיכוּ כַּתִיב, זֶה יֹאמַר לַי”יָ אָנִי, וְזֶה יִקרָא בְשֵׁם יַעֲקֹב, וְזֶה יִכתּוֹב יָדוֹ לַי”יָ וּבשֵׁם יִשׂרָאֵל יְכַנֶּה. כָּל חַד מִנְּכוֹן אֲחִיד וְאִתקַשַּׁר בְּמַלכָּא קַדִּישָׁא עִלָּאָה. וְאַתּוּן רַברְבִין מְמֻנַּן תָּרִיסִין מֵהַהִיא אֶרֶץ, דְּאִקְּרִי אֶרֶץ הַחַיִּים, דְּרַברְבָנוֹהִי אָכְלִין מִמַּנָּא דְּטַלָּא קַדִּישָׁא:

יא) פְּתַח אִדַּך וַאֲמַר, אַשׁרֵיך אֶרֶץ שֶׁמַּלכֵּך בֶּן חוֹרִין, וְשָׂרַיִך בָּעֵת יֹאכֵלוּ. וְכַתִיב אִי לָך אֶרֶץ שֶׁמַּלכֵּך נָעַר, וְשָׂרַיִך בַּבֹּקֶר יֹאכֵלוּ. הַנֵי קְרַאֵי קַשׁיָן אַֽהַדַּדֵּי. וְלָא קַשׁיָן. הַאיֵי דְּכַתִיב אַשׁרֵיך אֶרֶץ, דָּא אֶרֶץ דִּלעֵילָא דְּשָׁלְטָא עַל כָּל אִנּוּן חַיִּין דִּלעֵילָא. וּבגִינֵי כָּך אִקְּרִי אֶרֶץ הַחַיִּים. וַעֲלַהּ כַּתִיב, אֶרֶץ אֲשֶׁר יְ”יָ אֱלֹהֶיךָ דּוֹרֵשׁ אוֹתָהּ תָּמִיד. וְכַתִיב אֶרֶץ אֲשֶׁר לֹא בְמִסכֵּנוּת תֹּאכַל בָּהּ לֶחֶם, לֹא תֶחסַר כֹּל בָּה. לֹא תֶחסַר כֹּל בָּהּ דַּיקָא. וְכָל כָּך לָמָּה. מִשּׁוֹם דְּכַתִיב שֶׁמַּלכֵּך בֶּן חוֹרִין, דָּא קֻדשָׁא בְּרִיך הוּא, כְּמָא דְּאִתאֲמַר בְּנִי בְכוֹרִי יִשׂרָאֵל. בֶּן חוֹרִין. מַהוּ בֶּן חוֹרִין. כְּמָא דְּאִתאֲמַר יוֹבֵל הִוא, קֹדֶשׁ תִּהיֶה לָכֶם. וְכַתִיב וּקרָאתֶם דְּרוֹר בָּאָרֶץ. דְּהַא כָּל חֵירוּ, מִיּוֹבֵלָא קַא אַתֵּי, בְּגִינֵי כָּך בֶּן חוֹרִין. וְאִי תֵּימַא בֶּן חוֹרִין וְלָא כַּתִיב בֶּן חֵירוּת. הַכֵי הוּא וַדַּאי, בֶּן חֵירוּת מִבְּעִי לֵיהּ. אֵלָא בְּמַתנִיתָא סְתִימָאָה דִּילַן תְּנֵינָא, כַּד מִתחַבְּרָן יוֹ”דּ בְּהֵ”א, כְּדֵין כַּתִיב וְנָהָר יוֹצֵא מֵעֵדֶן לְהַשׁקוֹת אֶת הַגָּן. וְלָא תֵּימַא כַּד מִתחַבְּרָן, אֵלָא מִתחַבְּרָן וַדַּאי. וּבגִינֵי כָּך בֶּן חוֹרִין כַּתִיב. וְעַל דָּא אַשׁרֵיך אֶרֶץ שֶׁמַּלכֵּך בֶּן חוֹרִין וְשָׂרַיִך בָּעֵת יֹאכֵלוּ, בְּחֶדוַתָא בִּשׁלִימוּ בְּרַעֲוָא. אִי לָך אֶרֶץ שֶׁמַּלכֵּך נָעַר, הַאיֵי אֶרֶץ דִּלתַתָּא. דְּתַניָא, כָּל שְׁאָר אַרעֵי דִּשׁאָר עַמִּין, אִתיְהִיבוּ לְרַברְבִין תָּרִיסִין דִּממֻנַּן עֲלַיהוּ. וְעֵילָא מִכּוּלְּהוּ, הַהוּא דְּכַתִיב בֵּיהּ, נַעַר הָיִיתִי גַּם זָקַנתִּי. וְתַאנָא, הַאיֵי קְרָא, שָׂרוֹ שֶׁלָּ־עוֹלָם אֲמָרוֹ. וְעַל דָּא כַּתִיב אִי לָך אֶרֶץ שֶׁמַּלכֵּך נָעַר. וָי לְעָלְמָא דְּמִסִּטרָא דָּא יָנְקָא. וְכַד יִשׂרָאֵל בְּגָלוּתָא, יָנְקִין כְּמַאן דְּיָנֵיק מֵרְשׁוּתָא אָחֳרָא. וְשָׂרַיִך בַּבֹּקֶר יֹאכֵלוּ, וְלָא בְּכֻלֵּי יוֹמָא. בַּבֹּקֶר, וְלָא בְּזִמנָא אָחֳרָא דְּיוֹמָא. דְּתַניָא, בְּשָׁעֲתָא דְּחַמָּה זוֹרַחַת וְאַתיָן וְסָגְדִין לֵיהּ לְשִׁמשָׁא, רֻגזָא תְּלִי בְּעָלְמָא. בְּשָׁעֲתָא דְּמִנחָה, רֻגזָא תַּליָא בְּעָלְמָא. מַאן גְּרֵים הַאיֵי, מִשּׁוֹם דְּמַלכֵּך נָעַר, הַהוּא דְּאִקְּרִי נַעַר. וְאַתּוּן זַכָּאֵי קְשׁוֹט, קַדִּישֵׁי עֶליוֹנִין, בְּנֵי מַלכָּא קַדִּישָׁא, לָא יָנְקִין מֵהַאיֵי סִטרָא אֵלָא מֵהַהוּא אֲתַר קַדִּישָׁא דִּלעֵילָא. עֲלַיכוּ כַּתִיב, וְאַתֶּם הַדְּבֵקִים בַּי”יָ אֱלֹהֵיכֶם חַיִּים כֻּלְּכֶם הַיּוֹם:

יב) פְּתַח רִבִּי אַבָּא וַאֲמַר, אָשִׁירָה נָּא לִידִידִי שִׁירַת דּוֹדִי לְכַרמוֹ וגו’. וַיעַזְּקֵהוּ וַיסַקְּלֵהוּ וגו’. הַנֵי קְרַאֵי אִית לְאִסתַּכָּלָא בְהוּ, אַמַּאי כַּתִיב שִׁירָה, תּוֹכֵחָה מִבְּעִי לֵיהּ. לִידִידִי, לְדוֹדִי מִבְּעִי לֵיהּ, כְּמָא דְּכַתִיב שִׁירַת דּוֹדִי. כֶּרֶם הָיָה לִידִידִי בְּקֶרֶן בֶּן שָׁמֶן. אִסתַּכַּלנָא בְּכָל אוֹרָיתָא, וְלָא אַשׁכַּחנָא אַתרָא דְּאִקְּרִי קֶרֶן בֶּן שָׁמֶן. אֵלָא הַנֵי קְרַאֵי הַא אוֹקְמוּהּ חַברַיָּא בְּכַמָּה גְּוָנִין, וְכֻלְּהוּ שַׁפִּיר וְהַכֵי הוּא. אֲבָל אָשִׁירָה נָּא לִידִידִי, דָּא יִצחָק דַּהֲוָה יָדִיד. וְאִקְּרִי יָדִיד עַד לָא יִפּוֹק לְעָלְמָא. אַמַּאי יָדִיד. דִּתנֵינַן, רְחִימוּ סַגִּי הֲוָה לֵיהּ לְקֻדשָׁא בְּרִיך הוּא בֵּיהּ. דְּלָא אִתעֲבִיד, עַד דְּלָא אִתגְּזַר אַברָהָם אֲבוּהּ וְאִקְּרִי שְׁלִים, וְאִתּוֹסַף לֵיהּ הֵ”א לְאַשׁלָמוּתָא. וְכֵן לְשָׂרָה הַאיֵי הֵ”א אִתיְהֵיבַת לַהּ. הַכָא אִית לְאִסתַּכָּלָא, הֵ”א לְשָׂרָה שַׁפִּיר. אֲבָל לְאַברָהָם, אַמַּאי הֵ”א וְלָא יוֹ”דּ. יוֹ”דּ מִבְּעִי לֵיהּ, דְּהַא הוּא דְּכַר הֲוָה. אֵלָא רָזָא עִלָּאָה הוּא, סְתִים בְּגַוַּן, אַברָהָם סְלֵיק לְעֵילָא וּנטֵיל רָזָא מֵהֵ”א עִלָּאָה דְּאִיהוּ עָלְמָא דִּדכוּרָא. הֵ”א עִלָּאָה וְהֵ”א תַּתָּאָה, הַאיֵי תַּליָא בִּדכוּרָא, וְהַאיֵי בְּנֻקבָּא וַדַּאי. וּבגִין כָּך אַברָהָם סְלֵיק בְּהֵ”א דִּלעֵילָא, וְשָׂרָה נְחַתַת בְּהֵ”א דִּלתַתָּא. דְּכַתִיב כֹּה יִהיֶה זַרעֶךָ. וְתַנָא, זַרעֶךָ, זַרעֶךָ מַמָּשׁ, דַּהֲוָה שָׁארִי לְמֵיעַל בְּהַאיֵי קְיָם. וּמַאן דְּשָׁארִי לְמֵיעַל בְּהַאיֵי קְיָם, עָאל. וּבגִינֵי כָּך, גִּיּוֹרָא דְּאִתגְּזַר, גֵּר צֶדֶק אִקְּרִי. בְּגִין דְּלָא אֲתָּא מִגִּזעָא קַדִּישָׁא דְאִתגְּזַרוּ. וְעַל דָּא מַאן דְּעָאל בְּהַאיֵי, שְׁמֵיהּ כְּהַאיֵי אַברָהָם. בְּגִין כָּך כַּתִיב בֵּיהּ, כֹּה יִהיֶה זַרעֶךָ, זַרעֶךָ מַמָּשׁ, וְאִתמְסַר לֵיהּ הֵ”א. וְאִי לָאו דְּאִתמְסַר הֵ”א לְשָׂרָה, הֲוָה לֵיהּ לְאַברָהָם לְאוֹלֵיד לְתַתָּא כְּמָא דְּהַאיֵי כֹּה אוֹלֵידַת לְתַתָּא. בָּתַר דְּאִתמְסַרַת הֵ”א לְשָׂרָה, אִתחַבַּרוּ תְּרֵין הֵהִי”ן כַּחדָּא וְאוֹלִידוּ לְעֵילָא. וּמַאי דִּנפַק מִנַּיהוּ הוּא יוֹ”דּ. בְּגִינֵי כָּך יוֹ”דּ אָת רֵישָׁא דְיִצחָק דְּכַר. מִכָּאן שָׁארִי דְּכוּרָא לְאִתפַּשָּׁטָא, וְעַל דָּא כַּתִיב כִּי בְיִצחָק יִקָּרֵא לְךָ זָרַע. בְּיִצחָק וְלֹא בְךָ. יִצחָק אוֹלֵיד לְעֵילָא, דְּכַתִיב תִּתֵּן אֱמֶת לְיַעֲקֹב. יַעֲקֹב אַשׁלֵים כֹּלָא. וְאִי תֵּימַא, וְכִי אַברָהָם בְּהַאיֵי אִתאֲחִיד וְלָא יַתִּיר. וְהַא כַּתִיב חֶסֶד לְאַברָהָם. אֵלָא חוּלָקָא דִּילֵיהּ כָּך הוּא, בְּגִין דְּעַבֵיד חֶסֶד עִם בְּנֵי עָלְמָא. אֲבָל לְאוֹלָדָא הַכָא אֲחִיד וּמֵהַכָא שַׁריָא. וְעַל דָּא לָא אִתגְּזַר אַברָהָם אֵלָא בֶּן תִּשׁעִים וָתֵשַׁע שָׁנָה. וְרָזָא דְּמִלָּה הַא אִתיְדַע, וְאוֹקֵימנָא בְּמַתנִיתָא דִּילַן. וּבגִין כָּך יִצחָק דִּינָא קַשׁיָא נְפַק לְאָחדָא לְחוּלָקֵיהּ וּלאוֹלָדָא, וְחֶסֶד אִקְּרִי. וְעַל דָּא יַעֲקֹב אַשׁלֵים כֹּלָא, מֵהַאיֵי סִטרָא וּמֵהַאיֵי סִטרָא. מִסִּטרָא דַּאֲחִידוּ אַברָהָם וְיִצחָק לְחוּלָקֵיהוֹן לְעֵילָא הוּא שְׁלִימוּתָא. מִסִּטרָא דְּאִתיְהִיב לְהוּ לְאוֹלָדָא מִתַּתָּא לְעֵילָא הוּא שְׁלִימוּתָא. וְעַל דָּא כַּתִיב יִשׂרָאֵל אֲשֶׁר בְּךָ אֶתפָּאָר. בֵּיהּ אִתאֲחִידוּ גְּוָנִין מֵעֵילָא וּמִתַּתָּא. וְעַל דָּא כַּתִיב הַכָא שִׁירָה, דְּכַתִיב אָשִׁירָה נָּא לִידִידִי. שִׁירָה וַדַּאי, דְּהַא אִקְּרִי לְאוֹלָדָא דְּכַר, דְּהַא אִקְּרִי יָדִיד עַד לָא יִפּוֹק לְעָלְמָא. וְאִית דְּאָמְרֵי אָשִׁירָה נָּא לִידִידִי, דָּא אַברָהָם, כְּמָא דְּאִתאֲמַר מֶה לִידִידִי בְּבֵיתִי. וְאַברָהָם יְרֵית יְרֻתָּא דְאַחסָנַת חוּלָקָא דָּא. אֲבָל מַה דַּאֲמֵינָא דְּדָא יִצחָק, הַכֵי הוּא. שִׁירַת דּוֹדִי לְכַרמוֹ, דָּא קֻדשָׁא בְּרִיך הוּא דְאִקְּרִי דּוֹדִי, דְּכַתִיב דּוֹדִי צַח וְאָדוֹם. יְדִידִי אֲחִיד בְּדוֹדִי דְּכַר, וּמִנֵּיהּ אִתנְטַע כֶּרֶם, דְּכַתִיב כֶּרֶם הָיָה לִידִידִי בְּקֶרֶן בֶּן שָׁמֶן. מַאי בְּקֶרֶן בֶּן שָׁמֶן. אֵלָא בְּמַה נְפֵיק הַאיֵי כֶּרֶם, וּבמַה אִתנְטַע. חָזַר וְאָמַר, בְּקֶרֶן. מַאי קֶרֶן. דְּכַתִיב, בְּקֶרֶן הַיּוֹבֵל. בְּקֶרֶן הַיּוֹבֵל שָׁארִי. וְהַאיֵי קֶרֶן אִתאֲחִיד בְּהַהוּא דְּכַר דְּאִקְּרִי בֶּן שָׁמֶן. מַהוּ בֶּן שָׁמֶן. כְּמָא דְּאִתאֲמַר בֶּן חוֹרִין, וְתַרוַיהוּ חַד מִלָּה. שָׁמֶן, דְּמִתַּמָּן נָגֵיד מִשׁחָא וּרבוּ לְאַדלָקָא בּוֹצִינִין, וּבגִין כָּך בֶּן שָׁמֶן. וְדָא שֶׁמֶן וּרבוּ נָגֵיד וְנָפֵיק וְאַדלֵיק בּוֹצִינִין, עַד דְנָטֵיל לֵיהּ וְכָנֵישׁ לֵיהּ הַאיֵי קֶרֶן. וְדָא אִקְּרִי קֶרֶן הַיּוֹבֵל. בְּגִינֵי כָּך, לֵית מְשִׁיחוּתָא דְּמַלכוּתָא אֵלָא בְּקֶרֶן. וְעַל דָּא אִתמְשַׁך מַלכוּתָא דְּדָוִד דְּאִתמְשַׁח בְּקֶרֶן וְאִתאֲחִיד בֵּיהּ. וַיעַזְּקֵהוּ, כְּהַאיֵי עִזקָא דְאִסתְּחַר לְכָל סִטרִין. וַיסַקְּלֵהוּ, דְּאַעדִּי מִנֵּיהּ וּמֵחוּלָקֵיהּ כָּל אִנּוּן רַברְבִין, כָּל אִנּוּן תָּרִיסִין, כָּל אִנּוּן כִּתרִין תַּתָּאִין. וְהוּא נְסֵיב לֵיהּ לְהַאיֵי כֶּרֶם לְחוּלָקֵיהּ, דְּכַתִיב כִּי חֵלֶק יְ”יָ עַמּוֹ יַעֲקֹב חֶבֶל נַחֲלָתוֹ. וַיִּטָּעֵהוּ שׂוֹרֵק, כְּמָא דְאִתאֲמַר וְאָנֹכִי נְטַעתִּיך שׂוֹרֵק, כֻּלֹּה זֶרַע אֱמֶת. כֻּלֹּה כַּתִיב בְּהֵ”א. מִכָּאן שָׁארִי אַברָהָם לְאוֹלָדָא לְעֵילָא, וּמֵהַאיֵי נְפַק זֶרַע אֱמֶת. כֻּלֹּה זֶרַע אֱמֶת וַדַּאי. הַינוּ דְּכַתִיב כֹּה יִהיֶה זַרעֶךָ, וְכֹלָא חַד מִלָּה. זַכָּאָה חוּלָקֵיהוֹן דְּיִשׂרָאֵל דִּירַתוּ יְרֻתָּא קַדִּישָׁא דָּא. סוֹפֵיהּ דִּקרָא, וַיִּבֶן מִגדָּל בְּתוֹכוֹ. מַהוּ מִגדָּל. כְּמָא דְּאִתאֲמַר, מִגדַּל עֹז שֵׁם יְ”יָ, בּוֹ יָרוּץ צַדִּיק וְנִשׂגָּב. בּוֹ יָרוּץ צַדִּיק וַדַּאי. וְגַם יֶקֶב חָצֵב בּוֹ, דָּא תַּרעָא דְּצֶדֶק. כְּמָא דְּאִתאֲמַר פִּתחוּ לִי שַׁעֲרֵי צֶדֶק. מַאי מַשׁמַע. דְּכָל בַּר יִשׂרָאֵל דְאִתגְּזַר, עַיֵיל בְּתַרוַיהוּ וְזַכֵי לְתַרוַיהוּ. וּמַאן דְּקָרֵיב בְּרֵיהּ לְקֻרבָּנָא דָּא, עַיֵּיל לֵיהּ בִּשׁמָא קַדִּישָׁא. וְעַל אָת דָּא מִתקַיְּמִין שְׁמַיָּא וְאַרעָא, דְּכַתִיב אִם לֹא בְרִיתִי יוֹמָם וָלָילָה, חֻקּוֹת שָׁמַיִם וָאֶרֶץ לֹא שָׂמתִּי. וְהַאיֵי מָארֵיהּ דְּהִלּוּלָא דָּא, זְכָא לְכֹלָא, לְמִחזֵי קֻדשָׁא בְּרִיך הוּא אַנפִּין בְּאַנפִּין בְּהַאיֵי יוֹמָא. זַכָּאָה חוּלָקַֽנָא דִּזכֵינָא לְהַאיֵי יוֹמָא, וְזַכָּאָה חוּלָקָך עִמַּֽנָא. וְהַאיֵי בְּרָא דְּאִתיְלִיד לָך, קְרֵינָא עֲלֵיהּ כֹּל הַנִּקרָא בִשׁמִי וגו’ יְצַרתִּיו אַף עֲשִׂיתִיו. וְכַתִיב וְכָל בָּנַיִך לִמּוּדֵי יְ”יָ וגו’:

אוֹזְפוּהוּ מא לְרִבִּי אַבָּא תְּלָת מִילִין. אֲמַרוּ לֵיהּ, הַאיֵי מָרֵיהּ דְּהִלּוּלָא אוּשׁפֵּיזָך, זְכָא לְכוּלֵּי הַאיֵי, בְּגִין דְּקַיֵּים קִיּוּמָא דְּמִצוָה. אֲמַר, מַאי הִיא. אֲמַר הַהוּא גֻּברָא, דְּבֵיתַאי אִתַּת אֲחִי הֲוָת, וּמִית בְּלָא בְּנִין וּנסֵיבנָא לַהּ. וְדָא הוּא בְּרָא קַדמָאָה דַּהֲוָה לִי מִנַּהּ, וּקרֵינָא לֵיהּ בִּשׁמָא דַּאֲחִי דְאִתפְּטַר. אֲמַר לֵיהּ, מִכָּאן וּלהַלאָה קְרֵי לֵיהּ אִדֵּי. וְהַינוּ אִדֵּי בַּר יַעֲקֹב. בָּרֵיך לוֹן רִבִּי אַבָּא וַאֲזַל לְאֹרחֵיהּ.

כַּד אֲתָּא, סַדַּר מִלִּין קַמֵּיהּ דְּרִבִּי אֶלעָזָר, וּדחֵיל לְמֵימַר לְרִבִּי שִׁמעוֹן. יוֹמָא חַד הֲוָה קַמֵּיהּ דְּרִבִּי שִׁמעוֹן. וַאֲמַר רִבִּי שִׁמעוֹן, מַאי דְּכַתִיב וַיִּפּוֹל אַברָם עַל פָּנָיו וַידַבֵּר אִתּוֹ אֱלֹהִים לֵאמֹר, אֲנִי הִנֵּה בְרִיתִי אִתָּך, מַשׁמַע דְּעַד דְּלָא אִתגְּזַר הֲוָה נָפֵיל עַל אַנפּוֹי וּמַלֵּיל עִמֵּיהּ, בָּתַר דְּאִתגְּזַר קָאֵים בְּקִיּוּמֵיהּ וְלֹא דְּחֵיל. אֲנִי הִנֵּה בְרִיתִי אִתָּך, דְּאַשׁכַּח גַּרמֵיהּ גְּזִיר. אֲמַר לֵיהּ רִבִּי אַבָּא, אִי נַיחָא קַמֵּיהּ דְמָר דְּלֵימַא קַמֵּיהּ מֵאִנּוּן מִלֵּי מְעַלְּיַתָא דִּשׁמַענָא בְּהַאיֵי. אֲמַר לֵיהּ, אֵימַא. אֲמַר לֵיהּ, דְּחֵילנָא דְּלָא יִתעֲנַשׁוּ עַל יְדַאי. אֲמַר לֵיהּ, חָס וְשָׁלוֹם, מִשְּׁמוּעָה רָעָה לֹא יִירָא, נָכוֹן לִבּוֹ בָּטוּחַ בַּי”יָ. סָח לֵיהּ עוּבָדָא, וְסַדַּר קַמֵּיהּ כָּל אִנּוּן מִלִּין. אֲמַר לֵיהּ, וְכִי כָּל הַנֵי מִלֵּי מְעַלְּיַתָא הֲווֹ טְמִירִין גַּבָּך, וְלָא אֲמַרתּ לְהוּ. גּוֹזֵרנָא עֲלָך, דְּכָל תְּלָתִין יוֹמִין אִלֵּין תִּלעֵי וְתִנשֵׁי. וְלָא כַּתִיב אַל תִּמנַע טוֹב מִבְּעָלָיו, בִּהיוֹת לְאֵל יָדְךָ לַעֲשׂוֹת. וְכָּך הֲוָה. אֲמַר, גּוֹזֵרנָא דִּבאוֹרָיתָא דָּא יִגלוֹן לְבָבֶל בֵּינֵי חַברַיָּא. חֲלַשׁ דַּעתֵּיהּ דְּרִבִּי אַבָּא. יוֹמָא חַד חֲמָא לֵיהּ רִבִּי שִׁמעוֹן. אֲמַר לֵיהּ, טוּפסְרָא דְּלִבָּך, בְּאַנפָּך שְׁכִיַח. אֲמַר לֵיהּ, לָא עַל דִּידִּי הוּא אֵלָא עַל דִּידְּהוּ. אֲמַר לֵיהּ, חָס וְשָׁלוֹם דְּאִתעֲנַשׁוּ, אֵלָא בְּגִין דְּמִלִּין אִתגַּלְּיָן בֵּינַיהוּ כָּל כָּך, יִגלוֹן בֵּינֵי חַברַיָּא. יֵילְפוּן אִנּוּן אֹרחִין, וְאִתכַּסְּיָן מִלִּין בְּגַוַּיהוּ. דְּהַא מִלִּין לָא אִתגַּלְּיָן אֵלָא בֵּינַֽנָא דְּהַא קֻדשָׁא בְּרִיך הוּא אִסתַּכַּם עִמַּֽנָא וְעַל יְדַֽנָא אִתגַּלְּיָן מִלִּין. אֲמַר רִבִּי יוֹסֵי כַּתִיב אָז יִבָּקַע כַּשַּׁחַר אוֹרֶךָ וגו’. זְמִין קֻדשָׁא בְּרִיך הוּא לְאַכרָזָא עַל בְּנוֹי וְיֵימַא, אָז יִבָּקַע כַּשַּׁחַר אוֹרֶךָ וַאֲרוּכָתְךָ מְהֵרָה תִצמָח. וְהָלַך לְפָנֶיךָ צִדקֶךָ, כְּבוֹד יְ”יָ יַאַספֶךָ:

הפיסקא דלקמן, יקראנה אבי הבן, והיא מהקדמת הזוהר דף י”ג.

פִּקּוֹדָא שְׁבִיעָאָה, לְמִגזַר לִתמָניָא יוֹמִין, וּלאַעבָּרָא זֻהמָא דְּעֻרלְתָא, בְּגִין דְּהַהִיא חַיָּה אִיהִי דַּרגָּא תְּמִינָאָה לְכָל דַּרגִּין. וְהַהִיא נֶפֶשׁ דְפָרְחָא מִנַּהּ, אִצטְרִיכָא לְאִתַּחזָאָה קַמַּהּ לִתמָניָא יוֹמִין כְּמָא דְּאִיהִי דַּרגָּא תְּמִינָאָה. וּכדֵין אִתַּחזִי וַדַּאי דְּאִיהִי נֶפֶשׁ חַיָּה. נֶפֶשׁ דְּהַהִיא חַיָּה קַדִּישָׁא וְלָא מִסִּטרָא אָחֳרָא. וְדָא אִיהוּ יִשׁרְצוּ הַמַּיִם. בְּסִפרָא דַּחֲנוֹך, יִתרַשׁמוּן מַיָּא דְּזַרעָא קַדִּישָׁא רְשִׁימוּ דְּנֶפֶשׁ חַיָּה. וְדָא רְשִׁימוּ דְּאָת יוֹ”דּ דְּאִתרְשִׁים בְּבִשׂרָא קַדִּישָׁא מִכָּל שְׁאָר רִשּׁוּמִין דְּעָלְמָא. וְעוֹף יְעוֹפֵף עַל הָאָרֶץ, דָּא אֵלִיָּהוּ דְּטָאסכָּל עָלְמָא בְּאַרבַּע טָאסִין, לְמִהוֵי תַמָּן בְּהַהוּא גְּזִירוּ דִּקיָמָא קַדִּישָׁא. וְאִצטְרִיך לְתַקָּנָא לֵיהּ כֻּרסְיָא וּלאַדכָרָא בְּפֻמֵּיהּ דָּא כֻּרסְיָא דְּאֵלִיָּהוּ. וְאִי לָאו, לָא שָׁארֵי תַמָּן. וַיִּברָא אֱלֹהִים אֶת הַתַּנִּינִים הַגְּדוֹלִים, תְּרֵין אִלֵּין עָרלָה וּפרִיעָה. גְּזִירוּ דְּעָרלָה, וּפרִיעָה לְבָתַר, וְאִנּוּן דְּכַר וְנֻקבָּא. וְאֵת כָּל נֶפֶשׁ הַחַיָּה הָרוֹמֶשֶׂת. דָּא רְשִׁימוּ דְּאָת קְיָמָא קַדִּישָׁא, דְּאִיהִי נֶפֶשׁ חַיָּה קַדִּישָׁא כִּדקַאַמרַן. אֲשֶׁר שָׁרְצוּ הַמַּיִם, מַיִין עִלָּאִין דְּאִתמְשַׁכוּ לְגַּבַּהּ דְּאָת רְשִׁימוּ דָּא. וּבגִין דָּא אִתרְשִׁימוּ יִשׂרָאֵל בִּרשִׁימוּ קַדִּישָׁא וְדַכיוּ לְתַתָּא, כִּגוַנָא דְּאִנּוּן רְשִׁימִין קַדִּישִׁין. לְאִשׁתְּמוֹדָעָא בֵּין סְטַר קַדִּישָׁא, לְסִטרָא אָחֳרָא דִּמסָאֲבוּ. אוּף יִשׂרָאֵל רְשִׁימִין, לְאִשׁתְּמוֹדָעָא בֵּין קְדֻשָּׁה, לְעַמִּין דְּאַתיָן מִסִּטרָא אָחֳרָא דִּמסָאֲבוּ כְּמָא דְאִתאֲמַר. וּכמָא דִּרשֵׁים לוֹן, הַכֵי רְשֵׁים בְּעִירֵי וְעוֹפֵי דִּילְהוֹן, לִבעִירֵי וְעוֹפֵי דְּעַמִּין. זַכָּאָה חוּלָקְהוֹן דְּיִשׂרָאֵל:

ומסיימים ואומרים

בָּרוּך יְהוָה לְעוֹלָם אָמֵן וְאָמֵן: יִמלוֹך יְהוָה לְעוֹלָם אָמֵן וְאָמֵן:

רִבִּי חֲנַניָא בֶּן עֲקַשׁיָא אוֹמֵר, רָצָה הַקָּדוֹשׁ בָּרוּך הוּא לְזַכּוֹת אֶת יִשׂרָאֵל, לְפִי־כָּך הִרבָּה לָהֶם תּוֹרָה וּמִצוֹת. שֶׁנֶּאֱמָר, יְהוָה חָפֵץ לְמַעַן צִדקוֹ יַגדִּיל תּוֹרָה וְיַאְדִּיר:

ואומר אחד מהם קדיש דרבנן

יִתגַּדַּל וְיִתקַדַּשׁ שְׁמֵיהּ רַבָּא: (אָמֵן) דַּעֲתִיד לְחַדָּתָא עָלְמָא, וּלאַחָאָה מִיתַיָּא, וּלמִפרַק חַיַיָּא, וּלמִבנֵי קַרתָּא יְרֻשׁלַם, וּלשַׁכלָלָא הֵיכְלָא קַדִּישָׁא, וּלמִעקַר פֻּלחָנָא נֻכרָאָה מִן אַרעָא. וּלאָתָבָא פֻלחָנָא דִּי שְׁמֵיהּ, לְאַתרֵיהּ בְּהַדרֵיהּ בְּזִיוֵיהּ וּבִיקָרֵיהּ. וְיִמלוֹך מַלכוּתֵיהּ, וְיַצמַח פֻּרקָנֵיהּ, וְיַבַּע מְשִׁיחֵיהּ, וְיִפרוֹק עַמֵּיהּ, בְּחַיֵּיכוֹן וּביוֹמֵיכוֹן וּבחַיֵּיהוֹן דְּכָל בֵּית יִשׂרָאֵל, בַּעֲגַלָא וּבִזמָן קָרִיב, וְאִמרוּ אָמֵן: ועונים הצבור אָמֵן, יְהֶא שְׁמֵיהּ רַבָּא מְבָרַך לְעָלַם וּלעָלְמֵי עָלְמַיָּא: גם הש”צ אומר עמהם יהא שמיה רבא וכו’ עלמיא. ואח”כ אומר יִתבָּרַך: (אָמֵן) וְיִשׁתַּבַּח וְיִתפָּאַר וְיִתרוֹמַם וְיִתעַלֶּה וְיִתהַדַּר וְיִתהַלַּל וְיִתנַשֵּׂא, שְׁמֵיהּ דְּקֻדשָׁא בְּרִיך הוּא: (אָמֵן) לְעֵילָא לְעֵילָא מִכָּל בִּרכָתָא, שִׁירָתָא וְתֻשׁבְּחָתָא וְנֶחָמָתָא, דַּאֲמִירָן בְּעָלְמָא, וְאִמרוּ אָמֵן: (אָמֵן) עַל יִשׂרָאֵל, וְעַל רַבָּנַן, וְעַל תַּלמִידֵיהוֹן, וְעַל תַּלמִידֵי תַּלמִידֵיהוֹן דְּעָסְקִין בְּאוֹרָיתָא, דִּי בְאַתרָא הָדֵין וְדִי בְכָל אֲתַר וַאֲתַר. יְהֵא לְהוֹן וְלַנָא חִנָּא וְחִסדָּא וְרַחֲמֵי מִן קֳדָם אֲבוּנָא דְּבִשׁמַיָּא, וְאִמרוּ אָמֵן: (אָמֵן) יְהֶא שְׁלָמָא רַבָּא מִן שְׁמַיָּא, וְסִיַּעתָּא וּפֻרקָנָא וּרוַחָא וְחִנָּא וְחִסדָּא וְרַחֲמֵי, עֲלֵיכוֹן וַעֲלַנָא וְעַל כָּל קְהָלְהוֹן דְּכָל בֵּית יִשׂרָאֵל לְחַיִּים וּלשָׁלוֹם, וְאִמרוּ אָמֵן: (אָמֵן) (ומכאן אומר הש”ץ עם הצבור) עוֹשֶׂה שָׁלוֹם בִּמרוֹמָיו, הוּא בְרַחֲמָיו יַעֲשֶׂה שָׁלוֹם עָלֵינוּ, וְעַל כָּל יִשׂרָאֵל:

Archives: בריאות